અમર જવાન / જમ્મુ કાશ્મીરમાં દુશ્મનો સામે લડતા લડતા સુરેન્દ્રનગરનો જવાન શહીદ, આવતીકાલે નશ્વરદેહ વતન લવાશે

• જમ્મુ-કાશ્મીરમાં ફરજ બજાવતો ગુજરાતનો જવાન શહીદ
• સુરેન્દ્રનગરના ચોરવીરા ગામના રઘુભાઈ બાવળીયા શહીદ થયા
• મુખ્યમંત્રી વિજય રૂપાણીએ પાઠવી શ્રદ્ધાંજલી

ચોટીલાના ચોરવીરા ગામના રઘુભાઈ બાવળીયા જમ્મુ-કાશ્મીરમાં દુશ્મનો સામે લડી રહ્યા હતા. આ દરમિયાન તેમને ગોળી વાગતા શહીદ થયા છે. દીકરો શહીદ થતા પરિવાર શોકમાં ગરકાવ થઇ ગયો છે. આવતીકાલે(ગુરૂવાર) શહીદ જવાનનો નશ્વરદેહ વતનમાં લવાશે. ત્યારબાદ ગાર્ડ ઓફ ઓનર આપીને તેમના અંતિમ સંસ્કાર કરવામાં આવશે.

ત્યારે મુખ્યમંત્રી વિજય રૂપાણીએ શહીદ જવાનને શ્રદ્ધાજલિ આપી છે. સીએમએ ટ્વિટ કરીને કહ્યું કે, જમ્મુ કાશ્મીરમાં માતૃભૂમિની રક્ષા કરતા ચોટીલાના ચોરવીરા ગામના રઘુભાઈ બાવળીયા શહીદ થતા દુ:ખી હૃદય સાથે અશ્રુપૂરિત શ્રદ્ધાંજલિ અર્પણ કરું છું. દેશ માટે બલિદાન આપનાર આ વીર જવાનના આપણે સર્વે હંમેશા ઋણી રહીશું. પ્રભુ એમના દિવ્ય આત્માને શાંતિ અને પરિજનોને શક્તિ અર્પે.

જમ્મુ કાશ્મીરમાં માતૃભૂમિની રક્ષા કરતા ચોટીલાના ચોરવીરા ગામના રઘુભાઈ બાવળીયા શહીદ થતા દુ:ખી હૃદય સાથે અશ્રુપૂરિત શ્રદ્ધાંજલિ અર્પણ કરું છું.

દેશ માટે બલિદાન આપનાર આ વીર જવાનના આપણે સર્વે હંમેશા ઋણી રહીશું.

પ્રભુ એમના દિવ્ય આત્માને શાંતિ અને પરિજનોને શક્તિ અર્પે.

ૐ શાંતિ...

— Vijay Rupani (@vijayrupanibjp) October 21, 2020

તો સુરેન્દ્રનગરના સાંસદ મહેન્દ્ર મુંજાપરા અને કોંગ્રેસના પ્રદેશ પ્રમુખ અમિત ચાવડાએ ટ્વિટ કરીને શ્રદ્ધાંજલિ અર્પણ કરી હતી.

દેશની રક્ષા કાજે જિંદગીનું બલિદાન આપનાર સુરેન્દ્રનગર જિલ્લાના ચોરવીરા ગામના વતની શહીદ વીર કોળી રઘુભાઈ બાવળીયા ને અશ્રુભીની શ્રદ્ધાંજલિ અને કોટી કોટી નમન pic.twitter.com/PFe8v7S78E

— Dr Mahendra Munjapara (@MunjaparaDr) October 21, 2020

શહાદતને સલામ

સુરેન્દ્રનગર જિલ્લાના સાયલા તાલુકાના ચોરવિરા ગામના વતની, વીર જવાન રઘુભાઈ બાવળિયા જમ્મુ કાશ્મીરમાં ફરજ બજાવતા, માં ભોમની રક્ષાકાજે શહીદ થયા છે..

ઈશ્વર તેમના આત્માને શાંતિ પ્રદાન કરે અને પરિવારજનોને દુઃખ સહન કરવાની શક્તિ આપે.. pic.twitter.com/OtxH7VDgx7

— Amit Chavda (@AmitChavdaINC) October 21, 2020