અનોખુ / ટ્રાફિક નિયમ પાળો અને 100 રુ.ની પેટ્રોલ/ડીઝલ ડિસ્કાઉન્ટ કૂપન લઈ જાઓ, ગુજરાતના આ શહેરમાં લાગુ કરાયો નવતર પ્રયોગ

• વડોદરા શહેર પોલીસનો અનોખો પ્રયોગ
• ટ્રાફિકના નિયમોનું પાલન કરનારા નાગરિકોને ટ્રાફિક ચેમ્પ એવોર્ડ
• 100₹ ની પેટ્રોલ/ડીઝલ ડિસ્કાઉન્ટ કૂપન અપાઈ રહી છે

ખાસ કરીને શહેરમાં એવા કેટલાય લોકો છે જે ટ્રાફિકના નિયમનું સરેઆમ ઉલ્લઘન કરી રહ્યા છે. હેલમેટ નથી પહેરાતા, લાઈન્સસના ધાંધીયા, વાહન નું પીયુસી ભુલાઈ ગયું એવા કેટલાય બહાના કાઢી ટ્રાફિક રૂલ્સના નિયમો તોડી રહ્યા હોય છે જેના પર કાર્યવાહીના ભાગ રૂપે દંડ વસૂલાતો હોય છે. પણ એ લોકોનું શું જે ટ્રાફિકના તમામ નિયમો ખૂબ જ સારી રીતે પાડે છે. તો તેમના માટે વડોદરા શહેર ટ્રાફિક પોલીસ દ્વારા નવતર પ્રયોગ હાથ ધરાયો છે. શહેરના જાહેર રોડ ઉપર ટ્રાફિકના તમામ નિયમનું ચુસ્ત પણે પાલન કરનારા લોકો માટે ટ્રાફિક પોલીસ "ટ્રાફિક ચેમ્પ"* એવોર્ડથી સન્માનિત કરી રહી છે. 

વડોદરા શહેર પોલીસ કમિશનરશ્રીની પ્રેસ કોન્ફરન્સ દ્વારા મહત્વપૂર્ણ જાહેરાત કરવામાં આવી હતી. જે મુજબ વડોદરા શહેર ટ્રાફિક પોલીસ ટ્રાફિકના નિયમોનું પાલન કરનારા નાગરિકોને ટ્રાફિક ચેમ્પ એવોર્ડથી સન્માનિત કરી 100₹ ની પેટ્રોલ/ડીઝલ ડિસ્કાઉન્ટ કૂપન આપવામાં આવી રહી છે. ]

અડચણરૂપ પાર્ક કરેલ તથા એકી બેકી પાર્કિંગ અમલવારીનો ભંગ કરતાં વાહન ચાલકો તેમજ નો પાર્કિંગમાં પાર્ક કરેલ વાહન ચાલકો વિરૂધ્ધ ટ્રાફિક શાખા દ્રારા કાયદેસરની કાર્યવાહી પણ કરવામાં આવતી હોય છે. પણ નિયમોને સારી રીતે પાડનાર લોકો એવોર્ડ અને ગીફ્ટ કૂપન આપી લોકોને સરસ રીતે ટ્રાફિક નિયમનું પાલન કરવાનો પ્રયોગ કરનાર વડોદરા પોલીસના ભારોભાર વખાણ થઈ રહ્યા છે.

આ પહેલઆ થોડા દિવસ અગાઉ ગાંધીનગર ગૃહ  ખાતે "મેં ટ્રાફિક ચેમ્પ" અભિયાન અંતર્ગત ટ્રાફિકના જુદા જુદા નિયમોનું પાલન કરતાં વાહનચાલકોને શોરૂમ/રેસ્ટોરન્ટની ગીફ્ટ કુપન આપી સન્માનિત કરવામાં આવ્યા હતા. આ અભિયાન વિશે પોલીસ કમિશનર શમશેર સિંધે કહ્યું હતું કે તમામ ટ્રાફિક નિયમો અને નિયમોનું પાલન કરનારાઓને ફ્રી પેટ્રોલ કૂપન માટે ટ્રાફિક ચેમ્પ તરીકે પસંદ કરવામાં આવી રહ્યા છે.