દયનીય / આ રીતે રમશે ભારત? ઘર ચલાવવા માટે પાર્કિંગમાં ટિકિટ વેચી રહી છે ખેલાડી, દીકરીની કહાણી રડાવી મૂકશે

• રિતુની કહાણી સાંભળીને રડી પડશો 
• નેશનલ લેવલની ખેલાડી પાર્કિંગમાં વેચી રહી છે ટિકિટ
• મજબૂરીમાં અભ્યાસ અને બોક્સિંગ બન્ને છોડ્યું

ટોક્યો ઓલિમ્પિકમાં ભારતની દિકરીઓ કમાલ કરતા ઈતિહાસ રચી રહી છે. જેમની સફળતાની ખુશી આખો દેશ ઉજવી રહ્યો છે અને તેમને શુભકામનાઓ આપી રહ્યો છે. પરંતુ દેશમાં અમુક એવી પણ ખેલાડીઓ છે જે આજે બે ટાઈમના ભોજન માટે મહેનત કરી રહી છે. પોતાની આર્થિક સ્થિતિના કારણે પોતાની બોક્સિંગ મુકીને બે સમયના ભોજન માટે રસ્તા પર મહેનત કરી રહી છે. જે પરિવારનું ગુજરાન ચલાવવા માટે પાર્કિંગમાં ટિકિટ વેચી રહી છે. 

પાકિંગમાં ટિકિટ આપી રહી છે બોક્સર રિતુ 
હકીકતે આ ખેલાડીનું નામ રિતુ છે. જે બોક્સર છે. તે નેશનલ લેવલની પ્લેયર રહી ચુકી છે. પરંતુ આજે તેની હાલત એટલી ખરાબ છે કે તે ઘર ચલાવવા માટે પાર્કિંગ સ્લોટમાં કામ કરી રહી છે. 

પિતા છે બિમાર 
રિતુના પિતા બિમાર છે જેની દવાનો ખર્ચ દર મહિને લગભગ 10 હજાર રૂપિયા આવે છે. જેના કારણે તેને બોક્સિંગ છોડવી પડી. કારણ કે ઘરમાં પિતા ફક્ત એકલા જ કમાઈ રહ્યા હતા તેમના બિમાર થવાના કારણે રિતુને કામ કરવું પડી રહ્યું છે. આટલું જ નહીં ઘરનો ખર્ચ ચલાવવા માટે તેને પોતાનો અભ્યાસ મુકવો પડ્યો છે. અને તેના પુસ્તકો પણ વેચવા પડ્યા છે. 

પરિવારની પરિસ્થિતિના કારણે છોડ્યો અભ્યાસ 
બોક્સર રિતુનું કહેવું છે કે તેણે નેશનલ લેવલ પર ઘણી મેચ રમી છે અને જીત હાસિલ કરી ઘણા મેડલ જીત્યા છે. મારા પિતાએ મને આગળ વધવા માટે દરેક પ્રકારની મદદ કરી. પરંતુ પિતાની તબિયત ખરાબ હોવાના કારણે સરકારે અને હોકી સંસ્થાએ મારી કોઈ મદદ ન કરી. જો તેમની પાસેથી મદદ મળી હોત તો તે ઓલિમ્પિકમાં મેડલ લઈને આવી હોત અને દેશનું નામ રોશન કર્યું હોત. 

સરકારે મદદ કરી હોત તો...
રિતુએ જણાવ્યું કે હાલ તેણે 12 પાસ કર્યું છે. તે આગળ ભણવા માંગે છે પરંતુ પિતાની તબિયત અને પરિવારની હાલતને જોતા તેને અભ્યાસ છોડવો પડ્યો છે. જો તેને સરકાર તરફથી મદદ મળી હોત તો તે કદાચ એક ખેલાડી બની હતો. તેણે જણાવ્યું કે હવે હું સરકારને વિનંતી કરૂ છું કે મારી મદદ કરો જેથી હું ફરી વખત બોક્સિંગ કરી શકું, સાથે જ પોતાનો અભ્યાસ પણ શરૂ કરી શકુ. સાથે જ તેમનું કહેવું છે કે તે આર્મીમાં જવા માંગે છે. જેના માટે તે પરીક્ષા આપી રહી છે.