- આજે ગુજરાતનું વર્ષ 2024-25 નું બજેટ વિધાનસભામાં રજૂ થશે
- નાણાં મંત્રી કનુભાઈ દેસાઈ ત્રીજી વખતે રજૂ કરશે બજેટ
- મહિલાઓ, યુવાનો અને ખેડૂતોને બજેટમાં આવરી લેવાશેઃ કનુભાઈ દેસાઈ
આજે નાણાંમંત્રી કનુભાઈ દેસાઈ ત્રીજી વખત ગુજરાત વિધાનસભાનું બજેટ રજૂ કરવાના છે. બજેટ પહેલા સરકારના પ્રવક્તા ઋષિકેશ પટેલે મોટું નિવેદન આપ્યું છે. જેમાં આજે રજૂ થનાર બજેટમાં મહિલાઓ, યુવાનો અને ખેડૂતોને કેન્દ્રમાં રાખી તૈયાર કરાયું છે. તેમજ આવનારા 25 વર્ષ કઈ રીતે કામ કરવું અને દરેક ક્ષેત્રે ગુજરાતને કઈ રીતે આગળ રાખવું તે અંગે જોગવાઈ કરવામાં આવી છે.
બજેટ પહેલા વિધાનસભા ગૃહની બેઠક મળશે
આજે સવારે 10 વાગ્યે વિધાનસભા ગૃહની બેઠક મળશે, ત્યારે પ્રશ્નોત્તરી કાળથી વિધાનસભા બેઠકની શરૂઆત થશે. મુખ્યમંત્રી હસ્તકના વિભાગોના મુદ્દાઓ પર ચર્ચા થશે. ગૃહ, માર્ગ મકાન, શહેરી વિકાસ વિભાગના મુદ્દાઓ પર મહત્વની ચર્ચા થશે. નર્મદા, સામાન્ય વહિવટ, રમત ગમત, યુવા સાંસ્કૃતિક વિભાગ, વાહનવ્યવહાર વિભાગના પ્રશ્નો પર ચર્ચા કરાશે. પ્રશ્નોત્તરી કાળ બાદ ગૃહમાં ખર્ચનાં પૂરક પત્રની રજૂઆત કરાશે. ત્યારબાદ નાણાં મંત્રી કનુ દેસાઈ વર્ષ 2024-25નું અંદાજ પત્ર રજૂ કરશે.
વધુ વાંચોઃ વિદેશનો મોહ ભારે પડ્યો! એજન્ટે એકસાથે 5 લોકોને રોવડાવ્યાં, ડમી લેટરના નામે 20.60 લાખ પડાવી લીધા
સતત ત્રીજી વખત કનુ દેસાઈ બજેટ રજૂ કરશે
કેન્દ્ર સરકાર બાદ આજે રાજ્ય સરકારનું બજેટ રજૂ કરવામાં આવશે. નાણાં મંત્રી કનુ દેસાઈ સતત ત્રીજી વખત બજેટ રજૂ કરશે. અત્યાર સુધીનું સૌથી મોટું બજેટ રજૂ કરવામાં આવનાર હોવાનુ જાણવા મળ્યુ છે. વર્ષ 2024-25ના બજેટનું રૂપિયા 3.30 લાખ કરોડ આસપાસનું કદ રહેવાની શક્યતા છે. બજેટમાં આરોગ્ય, શિક્ષણ, કૃષિ અને માળખાકીય સુવિધાઓ પર ભાર મૂકવામાં આવશે.
