એશિયા કપ 2023 / શુભમન ગિલ સાથે મેદાન પર પાકિસ્તાનના આ ખેલાડીની થઈ બબાલ, ગુસ્સામાં કરી નાંખી આવી હરકત

• એશિયા કપમાં આજે ભારત-પાકિસ્તાન વચ્ચે મહત્વપૂર્ણ મેચ
• ભારતે ટોસ જીતીને પહેલી બેટીંગ પસંદ કરી
• ચાર ઓવર બાદ વરસાદનાં કારણે મેચ રોકવામાં આવી

ભારત અને પાકિસ્તાન વચ્ચે કેન્ડીમાં એશિયા કપ 2023 ની મહત્વપૂર્ણ મેચ રમાઈ રહી છે. ટીમ ઈન્ડિયાએ ટોસ જીતીને પ્રથમ બેટીંગ કરવાનું પસંદ કર્યું હતું. ટીમ ભારતેની બેટીંગ શરૂ થયાને થોડો સમય થયો હતો. ત્યારે જ પાકિસ્તાની બોલર નસીમ શાહે તેની હદ વટાવી. નસી શાહ તેમજ શુભમન ગિલ વચ્ચે મેદાન પર જ બંને સામ સામી આવી ગયા હતા. ત્યારે વરસાદનાં કારણે 4.2 ઓવર બાદ મેચને રોકી દેવામાં આવી હતી. પરંતું તે પહેલા ગીલે નસીમનાં 7 બોલનો સામનો કર્યો હતો. 1.4 ઓવરમાં ગિલે નસીમનાં પહેલા બોલ પર ગિલ આઉટ થતા બચી ગયો હતો.  કારણ કે રિઝવાન તેનો કેચ ચૂકી ગયો હતો. 

ત્યારે બાદ ચોથી ઓવરમાં નસીમની બોલિંગ ગિલ તેમની સામે રમી રહ્યો હતો. નસીમે આ ઓવરમાં શાનદાર બોલિંગ કરી હતી. તેમજ ગિલે તેની ઓવરમાં ખુલીને રમી પણ શક્યો ન હતો. નસીમ ઓવરનો છેલ્લો બોલ ફેંકવા માટે રન અપ લઈ રહ્યો હતો. પરંતું છેલ્લી ઘડીએ ગિલ ક્રિઝની બહાર નીકળી ગયો હતો. જે પાકિસ્તાની બોલરને પસંદ ન આવ્યું અને તે ગિલ પાસે ગયો અને તેની સાથે દલીલ કરતો જોવા મળ્યો હતો. નસીમે તેની ચોથી ઓવરમાં માત્ર એક જ રન લઈ શક્યો હતો. આ ઓવરમાં તેણે વાઈડ બોલ નાંખ્યો હતો. 

 8 બોલમાં એક પણ રન બનાવી શક્યો ન હતો ગિલ
વરસાદનાં કારણે 4.2 ઓવર બાદ રમત રોકવામાં આવી હતી. ત્યાં સુધી ગિલે 8 બોલનો સામનો કર્યો હતો. પરંતું તે રન બનાવી શક્યો ન હતો. બીજી તરફ ભારતીય કેપ્ટન રોહિત શર્માએ 16 બોલમાં 11 રન બનાવ્યા હતા. વરસાદનાં કારણે મેચમાં વિક્ષેપ પડ્યો હતો.  શાહીન શાહ આફ્રિદીએ 5 મી ઓવરમાં માત્ર 2 બોલ ફેંક્યા હતા. પરંતું ભારે વરસાદને કારણે ખેલાડીઓએ મેદાન છોડવું પડ્યું હતું. 

આફ્રીદીએ ભારતીય દર્શકોનાં  દિલ તોડી નાંખ્યા
વરસાદ બાદ રમત શરૂ થઈ. તે બાદ ભારત માટે કોઈ સારા સમાચાર ન હતા. શાહીને ભારતીય ચાહકોનાં દિલ તોડી નાંખ્યા હતા. તેણે તેની ઓવરનાં છેલ્લા બોલમાં રોહિતને આઉટ કર્યો હતો. ત્યારે વરસાદ બાદ ભારતને મોટો ઝટકો લાગ્યો હતો. આફ્રિદીએ વિકેટ મેડન ઓવર ફેંકી હતી.