કામની વાત / ગરમી લાગે છે પણ AC ચલાવતા સમયે બિલ વધી જવાનું ટેન્શન સતાવે છે? તો અપનાવો આ ટ્રિક, નહીં વધે ખિસ્સા પર ભાર

• એસી જેટલું લાંબુ ચાલશે તેટલું વીજળીનું બિલ આવશે?
• એસીને યોગ્ય રીતે ચલાવીશું તો બિલ પણ ઘણું ઓછું આવશે
• વારંવાર ટેમ્પરેચર ફેરફારને કારણે પ્રેશર વધે 

અત્યારે ભર ઉનાળો ચાલી રહ્યો છે અને ભયંકર ગરમી પડી રહે છે. જ્યારે પણ ઉનાળો આવે છે ત્યારે સૌથી પહેલા લોકો વચ્ચે એસીની ચર્ચા થાય છે અને આપણે બધા જાણીએ છીએ કે આ ભયંકર ગરમીનો સામનો કરવા માટે એસી એ શ્રેષ્ઠ ઉપાય છે. 

એસી જેટલું લાંબુ ચાલશે તેટલું વીજળીનું બિલ આવશે?
ઉનાળામાં AC માં રહેવાની અને રાત્રે AC માં સૂવાની મજા જ કંઈક અલગ છે. એસી આપણને ગરમીથી રાહત આપે છે પણ એ સમયે મનમાં ટેન્શન રહે છે કે એસી જેટલું લાંબુ ચાલશે તેટલું વીજળીનું બિલ આવશે. વધતા બિલના ટેન્શનને કારણે ઘણા લોકો માત્ર રાત્રે જ એસીનો ઉપયોગ કરે છે. એસી ચલાવવાથી કેટલું બિલ આવશે પણ તેનો આધાર તેનો ઉપયોગ કેવી રીતે કરીએ છીએ તેના પર છે. આ ઉનાળાની ઋતુમાં મોટાભાગના લોકો એસી ચલાવે છે પણ તેને યોગ્ય રીતે કેવી રીતે ચલાવવું તે બહુ ઓછા લોકો જાણે છે.

એસીને યોગ્ય રીતે ચલાવીશું તો બિલ પણ ઘણું ઓછું આવશે
જણાવી દઈએ કે AC માંથી આવતું બિલ અને AC નું પરફોર્મન્સ બંને આપણા ઉપયોગ પર આધારિત છે. જો આપણે એસીને યોગ્ય રીતે ચલાવીશું તો બિલ પણ ઘણું ઓછું આવશે અને એસી વર્ષો સુધી સારી રીતે ચાલતું રહેશે. એટલે કે એસી એક જ તાપમાને ચલાવવામાં આવે તો વીજળીનું બિલ વધવાનું ટેન્શન ઘણી હદ સુધી ઘટાડી શકાય છે. 

વારંવાર ટેમ્પરેચર ફેરફારને કારણે પ્રેશર વધે 
વારંવાર ટેમ્પરેચર વધવાથી અને ઘટવાથી એસીના પરફોર્મન્સ પર અસર થાય છે, સાથે જ એસીને વધુ મહેનત કરવી પડે છે. એટલે જો તમે એસીને સમાન તાપમાને સેટ કરો છો, તો એસીએ ઓછું કામ કરવું પડશે અને વીજળીનો ભાર વધતો નથી.

આ ટેમ્પરેચર પર જ ચલાવો એર કંડિશનર 
એવું માનવામાં આવે છે કે જો તમે એર કંડિશનર પર એક ડિગ્રી તાપમાન ઓછું કરો છો, તો તે વીજળીનું બિલ 6 ટકા વધે છે. આવી સ્થિતિમાં જો તમે રૂમને ઝડપથી ઠંડો કરવા માટે એર કંડિશનરને 18-19 ડિગ્રી સેલ્સિયસ પર સેટ કરો છો, તો બિલ વધુ વધી જશે. એટલા માટે તમે AC ને 23-25 ​​ડિગ્રી સેલ્સિયસની વચ્ચે રાખો. તેનાથી તમારા AC પરનો ભાર વધારે નહીં વધે.

રૂમને ઠંડો કરવા માટે આ રીત અનુસરો
AC ચાલવાથી બિલ ઓછું કરવા અને તમારા રૂમને ઝડપથી ઠંડુ કરવા માટે તમે આવી કેટલીક રીતો અજમાવી શકો છો. જ્યારે AC ચાલુ હોય ત્યારે તમે રૂમમાં પંખો ચાલુ કરી શકો છો જેથી ACની ઠંડી હવા આખા રૂમમાં ફેલાય. આ સાથે તમારે લાંબા સમય સુધી AC ચલાવવાની જરૂર નહીં પડે.  જ્યારે તમે AC ચલાવો છો, ત્યારે ધ્યાનમાં રાખો કે તે રૂમમાં વધુ ગરમી ઉત્પન્ન કરતી પ્રોડક્ટ્સ જેમ કે ફ્રીજ, લેપટોપ વગેરેનો ઉપયોગ કરવામાં ન આવે. તેનાથી રૂમમાં ગરમી વધે છે અને રૂમને ઠંડક થવામાં પણ લાંબો સમય લાગે છે.