નુકસાનકારક / નાની ઉંમરમાં જ દેખાવા લાગશો અંકલ અને આંટી જેવા, આ 4 ભૂલો તમારી સ્કિન ખરાબ કરી દેશે

• નાની ઉંમરમાં જ ઘરડાં ન દેખાવું હોય તો ન કરતાં આવી ભૂલો
• નાની ઉંમરમાં સ્કિન ખરાબ કરી દે છે આવી ભૂલો
• રૂટિન લાઈફમાં કરતાં રહેવાથી ઘડપણ વહેલું આવે છે 

ઉંમર વધવાની સાથે તેની સૌથી પહેલાં અસર ચહેરા અને સ્વાસ્થ્ય દેખાવા લાગે છે. પણ કેટલાક લોકો તો નાની ઉંમરમાં પણ ઘરડાં દેખાય છે. ધ એજ ફિક્સ બુક મુજબ આવું લોકોની બેદરકારીને કારણે થાય છે. જો આવી કેટલીક આદતોને અવોઈડ કરવામાં આવે તો લાંબા સમય સુધી યંગ રહેવા અને સુંદર દેખાવામાં મદદ મળી શકે છે. 

આ ભૂલો ન કરતાં

આજકલ સ્કિન સંબંધી સમસ્યાઓ ખૂબ જ વધી રહી છે. જેની પાછળનું એક અગત્યનું કારણ છે ખાનપાનની ખોટી આદતો.જો તમે તમારી સ્કિનને હેલ્ધી અને ગ્લોઈંગ રાખવા માગો છો તો તમારી ડાયટનું ખાસ ધ્યાન રાખવું જરૂરી છે. જેથી જંકફૂડ, તળેલાં ફૂડ્સ, ફેટી ફૂડ, બહારના ખોરાકથી બને એટલું દૂર રહેવાથી સ્કિન હમેશાં ગ્લોઈંગ રહે છે. 

સનસ્ક્રીન

જે લોકો સનસ્ક્રીનનો ઉપયોગ નથી કરતાં, તેના કારણે આપણી સ્કિન પર ફોલ્લી, કરચલી અને પિંપલ્સ જેવા પ્રોબ્લેમ્સ થાય છે. જેથી બારેયમાસ ચહેરા સહિત શરીરનો જે ભાગ સનના ડાયરેક્ટ સંપર્કમાં આવે છે ત્યાં યાદથી સનસ્ક્રીન લગાવવાનું રાખો. સનસ્ક્રીન લગાવ્યા વિના ભૂલથી પણ ઘરથી બહાર નીકળવું નહીં. નહીંતર નાની ઉંમરમાં જ કરચલી થવા લાગશે અને વૃદ્ધ દેખાવા લાગશો. 

ફેસવોશ

ઘણાં લોકોને વારંવાર ફેસવોશ કરવાની ટેવ હોય છે. ફેસવોશ તો કરવું જોઈએ પરંતુ વધુ પ્રમાણમાં ફેસવોશ કરવાથી સ્કિનનું નેચરલ ઓઈલ દૂર થવા લાગે છે. જેથી આખા દિવસ દરમિયાન 2-3વાર જ ફેસવોશ કરવું જોઈએ. યાદ રાખો ફેસવોશ માટે હમેશાં હર્બલ પ્રોડક્ટનો જ ઉપયોગ કરવા નહીંતર તમારી સ્કિન ખરાબ થવા લાગશે. 

સ્ક્રબ

ઘણાં લોકોને એવું લાગે છે કે સ્ક્રબ કરવાથી સ્કિન એકદમ ક્લિન અને ગ્લોઈંગ બની જાય છે. એમાં પણ જાતજાતના ઘરેલૂ સ્ક્રબ ઘણીવાર રોજ ટ્રાય કરતાં હોય છે. તો તમને જણાવી દઈએ કે તેનાથી સ્કિનનું ઉપરનું પડ ખરાબ થવા લાગે છે અને બ્લેકહેડ્સ અને વ્હાઈટહેડ્સની સમસ્યા વધવા લાગે છે. જેથી સપ્તાહમાં માત્ર બે જ વાર સ્ક્રબ કરવું જોઈએ.