તમારા કામનું / ઘરના દરવાજા પર ભૂલથી પણ ન મૂકવી જોઈએ આ 5 વસ્તુઓ: આંગણે આવેલા લક્ષ્મીજી પાછા જતાં રહેશે

• ઘરના મુખ્ય દરવાજા પર વેલવાળા છોડ ક્યારેય ન લગાવવા જોઈએ
• ઘરની સામે કચરો હોય છે ત્યાં ગરીબી ફેલાય છે
• ભૂલથી પણ ઘરના મુખ્ય દરવાજા પર કાંટાવાળા છોડ ન લગાવો

Vastu Tips for Main Door : જ્યારે કોઈ વ્યક્તિના જીવનમાં કોઈ કારણ વગર મુશ્કેલી આવે છે, તો તેનું કારણ તેના ઘરમાં વાસ્તુ દોષ હોઈ શકે છે. વાસ્તુદોષના કારણે જાતકની પ્રગતિમાં અવરોધ આવી શકે છે અને તેને ઘણી સમસ્યાઓનો સામનો કરવો પડી શકે છે. જો તમે પણ ઈચ્છો છો કે તમારા ઘરમાં કોઈ વાસ્તુ દોષ ન રહે અને ત્યાં દેવી લક્ષ્મીનો વાસ હોય, તો ઘરના મુખ્ય દરવાજા પર રાખેલી આ 5 વસ્તુઓને તરત જ દૂર કરો. આવો જાણીએ તે વસ્તુઓ વિશે...

વેલવાળા છોડઃ
વાસ્તુશાસ્ત્ર અનુસાર ઘરના મુખ્ય દરવાજા પર વેલવાળા છોડ ક્યારેય ન લગાવવા જોઈએ. ઘણા લોકો શોખ તરીકે ઘરના મુખ્ય દરવાજા પર મની પ્લાન્ટ લગાવે છે, જે આર્થિક સંકટનું કારણ બની શકે છે. આર્થિક પ્રગતિ માટે હંમેશા ઘરની અંદર મની પ્લાન્ટ લગાવો. ભૂલથી પણ તેને મુખ્ય દરવાજા પર ન લગાવો.

કેક્ટસનો છોડ ન લગાવોઃ
વાસ્તુશાસ્ત્રમાં કહેવામાં આવ્યું છે કે, જો ઘરના મુખ્ય દરવાજા પર કેક્ટસનો છોડ લગાવવામાં આવે તો ઘરમાં ગરીબી આવવા લાગે છે, પરિવારના સભ્યો વચ્ચે વિવાદ વધે છે અને ઘરમાં અશાંતિ ફેલાય છે.

કૂડો કચરોઃ
વાસ્તુશાસ્ત્ર અનુસાર, જો તમારા ઘરના મુખ્ય દરવાજા પર કચરો જામ્યો હોય તો તેને તરત જ દૂર કરો. જે ઘરની સામે કચરો હોય છે ત્યાં ગરીબી ફેલાય છે અને દેવી લક્ષ્મી નારાજ થઈને ત્યાંથી ચાલ્યા જાય છે. એટલા માટે ઘરના મુખ્ય દરવાજામાંથી બને તેટલી વહેલી તકે કચરો દૂર કરો અને તેને ફરી ક્યારેય ત્યાં એકઠો ન થવા દો.

ગંદુ પાણીઃ 
વાસ્તુશાસ્ત્ર અનુસાર, જો તમારા ઘરના મુખ્ય દરવાજા પર ગંદુ પાણી જમા થઈ ગયું હોય તો તેને જલ્દીથી સાફ કરો. ઘરના મુખ્ય દરવાજા પર ગંદુ પાણી જમા થવાથી સામાજિક અપમાન થઈ શકે છે.

કાંટાવાળા છોડઃ 
ઘણા એવા લોકો છે જેઓ ફૂલછોડના ખૂબ શોખીન હોય છે. ગાર્ડનિંગનો શોખ પૂરો કરવા માટે આ લોકો ઘરના મુખ્ય દ્વાર પર કાંટાવાળા છોડ લગાવે છે. જેની નકારાત્મક અસર વ્યક્તિના જીવન પર જોવા મળે છે. એટલા માટે ભૂલથી પણ ઘરના મુખ્ય દરવાજા પર કાંટાવાળા છોડ ન લગાવો, જો તે ત્યાં હોય તો તરત જ કાઢી નાખો.