ચોંકાવનારો કિસ્સો / અંતે ધર્માંતરણના માર્ગે જતા જેતપુરના યુવકની હિંદુ ધર્મમાં ઘરવાપસી, ચંદન તિલક સાથે કરાયું સ્વાગત

• અજબ પ્રેમ કી ગજબ કહાની સામે આવી
• સોશિયલ મીડિયામાં પ્રેમ થયો અને ધર્મ પરિવર્તન ?
• ચંદન તિલક સાથે હિંદુ ધર્મમાં ઘરવાપસી કરાઈ

જેતપુરમાં એક અનોખો કિસ્સો સામે આવ્યો છે, અજબ પ્રેમ કી ગજબ કહાની જેવું જ્યાં એક હિન્દુ યુવક બાંગ્લાદેશી મુસ્લિમ યુવતીના પ્રેમમાં ગળાડૂબ બની ગયો, એટલું જ નહીં. તેને પામવા માટે મુસ્લિમ ધર્મગુરુ ઝાકીર નાઈના પ્રવચનોથી પ્રભાવિત થઈ ધર્મપરિવર્તન પણ કરવા તૈયાર થઈ ગયો હતો. અનોખી આ પ્રેમ કહાની અંતે પોલીસ મથકે પહોંચી હતી. યુવકના હિન્દુ સંગઠનોની ફરિયાદ પરથી સમગ્ર મામલે જેતપુર પોલીસ,પિતા તેમજ કાર્યવાહી આરંભી હતી. જેતપુર શહેરના પાંચપીપળઆશિષ ગોસ્વામી બાંગ્લાદેશી યુવતિના પ્રેમમાં પડ્યો હતો. જે ધર્મપરિવર્તના ચક્કરમાં પડ્યો હતો અને અંતે તેને હિન્દુ ધર્મમાં ઘરવાપસી કરાઈ છે.

 

નમાજ પણ અદા કરવા લાગ્યો હતો
જેતપુરમાં રહેતા આશિષ ગોસ્વામીની બાંગ્લાદેશની મુસ્લિમ યુવતી સાથે સોશિયલ મીડિયાના માધ્યમથી ઓળખાણ થઈ હતી, આ યુવતી સાથે આશીશ લગ્ન કરવા માટે અને બાંગ્લાદેશ જવા માટે હિન્દુ ધર્મ છોડીને મુસ્લિમ ધર્મ અપનાવવા માટે તૈયાર થઈ ગયો હોવાના આક્ષેપો તેના પિતાએ કર્યા હતા. મુસ્લિમ ધર્મગુરુના સંપર્કમાં રહેતો હતો મસ્જિદમાં પણ રહેવા લાગ્યો હતો મુસ્લિમ જેવો લુક પણ કર્યો હતો અને નમાજ પણ અદા કરવા લાગ્યો હતો. પોલીસ અને પિતા અનેકવાર સમજાવ્યો છતાં પણ આશિષ માનવા તૈયાર ન થતો હતો અને તે મુસ્લિમ પણ નથી અને હિન્દુ પણ નથી તેઓ રાગ આલાપી રહ્યો હતો

નિકાહ કરવા માટે ધર્મ પરિવર્તન..!
જેતપુર શહેરમાં હિન્દુ યુવકનો મુસ્લિમ બનવાનો ધર્મ પરિવર્તનનો બનાવ પ્રકાશમાં આવ્યો હતો. હિન્દૂ યુવક આશિષ ગૌસ્વામી સોશિયલ મીડિયા મારફત મુસ્લિમ ધર્મગુરુ ઝાકીર નાઈકના વીડિયો જોઈ મુસ્લિમ ધર્મ અંગીકાર કરવા પ્રેરાયાનું યુવકનું કથન હતો પણ, બાંગ્લાદેશની પરિણીત યુવતીનો ઇન્સ્ટાગ્રામમાં સંપર્ક બાદ તેની સાથે નિકાહ કરવા યુવક ધર્મ પરિવર્તન કરતો હોવાનું યુવકના પિતા હરેશભાઇનું કથન છે.

આશિષ શું કહ્યું હતું
આશિષ જણાવ્યું હતું કે, મનુષ્યોએ પોતાના હાથે બનાવેલ જુદાજુદા ભગવાનની મૂર્તિ એટલે કે અનેક ભગવાન આપણું શું ભલું કરી શકે. ઇસ્લામ ધર્મમાં એક અલ્લાહને જ પૂજવાનું છે તે જ દુનિયાના સાચા નબી હોવાનું યુવકનું કથન હતું. યુવક પાંચ વખતનો નમાજી બની ગયો હતો અને તેને પૂર્ણ મુસ્લિમ બનવા માટે ખતના કરાવવું હોય એટલે સરકારી હોસ્પિટલ ઓપરેશન માટે આવેલખતના કરાવવામાં મદદ માટે બે મુસ્લિમ યુવકો પણ યુવક સાથે હોસ્પિટલ ગયા હતા.

'તેનું બ્રેન વૉશ થયેલ છે'
ફોન કરીને હોસ્પિટલમાં શેખ મહંમદ ઉર્ફે આશિષે બોલાવ્યા હોવાનું સાથે મુસ્લિમ યુવકોનું કથન હતું કે, યુવકે હોસ્પિટલમાં કેસ પેપરમાં પોતાનું નામ શેખ મહંમદ અલસમી નોંધાવેલ યુવકના પિતાએ પોતાનો પુત્ર મુસ્લિમ ધર્મ અંગીકાર કરે તે કોઈ કાળે પસંદ ન હોવાનું જણાવ્યું હતું. મુસ્લિમ ધર્મ અપનાવવામાં કોઈ અવરોધ ઉભો કરશો તો ઘરમાં આપઘાત કરવાની ધમકી આપતો પિતાનું નિવેદન હતું કે,
અમો કોઈ કાળે યુવકને ધર્મ પરિવર્તન કરવા નહિ દઈએ, તેનું બ્રેન વૉશ થયેલ છે જરૂર પડે તો અમો તેની માનસિક સારવાર પણ કરાવશું ધર્મ પરિવર્તનનો આખો મામલો સીટી પોલીસમાં પહોંચ્યો હતો.

હિંદુ સંગઠનોની મહેનતના લીધે ઘર વાપસી
સમજાવટ બાદ યુવાનની હિન્દૂ ધર્મમાં ધરવાપસી કરાવમાં આવી હતી. જેતપુરમાં ધર્મ પરિવર્તનના માર્ગે જતા યુવાનની અંતે હિંદુ સંગઠનોની મહેનતના લીધે ઘર વાપસી કરાવવામાં આવી છે. હિન્દુ યુવાનનું બાંગલાદેશી યુવતી સાથે લગ્ન કરવાનો હતો. અને તે ભુત તેના મગજમાં ચડી જતા ધર્મપરિવર્તનના માર્ગે ગયો હતો જેની અંતે ઘર વાપસી થયેલી છે. જેતપુરમાં પાચ પીપળા રોડ પર રહેતો હિન્દુ યુવાન આશીષ હરેશગીર ગોસ્વામી ઉ.21નો યુવક છેલ્લા કેટલાય મહિનાઓથી દાઢી વધારી ગોળ ટોપી પહેરી અને મુસ્લીમ ધર્મમાં જવાના માર્ગે ચડયો હતો.