અજીબો ગરીબ / બનાસકાંઠામાં મહાદેવના મંદિર નજીક બની એવી ઘટના કે ગામ આખું થઈ ગયું વિચારતું, જુઓ VIDEO

• બનાસકાંઠામાં વિચિત્ર કિસ્સો 
• કોરેટી ગામના તળાવના પાણીનો કલર બદલાયો 
• પાણીનો કલર બદલાઇને લાલ થયો 

નદી કે તળાવમાં લીલ હોવાને કારણે પાણી લીલા રંગનું દેખાય તે સ્વાભાવિક છે. પરંતુ જો તળાવમાં એકાએક પાણી લાલ રંગનું દેખાય તો. જી, હા આવી જ એક ઘટના જોવા મળી બનાસકાંઠામાં. અહીં તળાવનું પાણી લીલુ કે માટીવાળુ નહી પરંતુ એકદમ લાલ રંગનું જોવા મળ્યુ. જાણે પાણીમાં કંકુ નાંખીએ તો કેવો કલર દેખાય તેવુ તળાવમાં પાણી જોવા મળતા કુતૂહલ સર્જાયુ છે.

તળાવનું પાણી લાલ કેમ ?

બનાસકાંઠાના સરહદી વિસ્તારનો આ કિસ્સો છે. વાવ તાલુકાના કોરેટી ગામે તળાવના પાણીનો કલર ઉડીને આંખે વળગ્યો. કારણ કે આ તળાવ આખુ લાલ રંગનું જોવા મળ્યુ. જો કે પહેલા કંઇ તળાવ લાલ રંગનું ન હતુ પરંતુ કોણ જાણે કેમ લાલ રંગનુ થવાથી ચોમેર ચર્ચાનો દોર શરૂ થયો છે. આ પાછળ શું કારણ છે તે હજી સુધી જાણી શકાયુ નથી પરંતુ ગ્રામજનો પણ આ તળાવને જોઇને નવાઇ પામી રહ્યા છે. કારણ કે એકાએક આવી રીતે કલર બદલાવવો એ કોઇ ચમત્કાર છે કે પછી કોઇએ કરેલી કરતૂત.  

કોરેટી ગામનો અજીબો ગરીબ બનાવ 

આવુ થવા પાછળનું કારણ તો કંઇ સામે આવ્યુ નથી પરંતુ તળાવની વચ્ચે વર્ષો જૂનુ મહાદેવનું મંદિર આવેલુ છે. અહીં હજારો શ્રદ્ધાળુઓની આસ્થા જોડાયેલી છે. તેથી તળાવનો કલર બદલવાનું કારણ આસ્થા સાથે જોડાયેલ હોવાનું અનુમાન લગાવી રહ્યા છે. ત્યારે હવે જોવાનું એ રહ્યું કે પાણીનો કલર દિવસ અને રાતે લાલ રંગનો જ રહે છે કે પછી બદલાય છે ? અને જો કલર લાલ રહેતો હોય તો પછી તપાસનો વિષય છે કે એકાએક રંગ બદલવાનું કારણ શું ?