રેકોર્ડ / રોહિત શર્માનું રાજ ગયું! ઈન્ટરનેશનલ ક્રિકેટમાં નવો 'સિક્સર કિંગ' એક વર્ષમાં સિક્સરની શતક મારી હિટમેનનો રેકોર્ડ કર્યો ધ્વસ્ત

• ઈન્ટરનેશનલ ક્રિકેટમાં રોહિત શર્માથી પણ મોટો 'સિક્સર કિંગ'
•  માત્ર એક વર્ષમાં સો સિક્સરના આંકડોને કર્યો આસાનીથી પાર
• રેકોર્ડ યૂનાઈડેટ અરબ અમીરાતના મુહમ્મદ વસીમે પોતાના નામે કરી લીધો 

આંતરરાષ્ટ્રીય ક્રિકેટમાં જ્યારે પણ છગ્ગા કે ચોગ્ગા મારવાનો રેકોર્ડની વાત આવે તો સૌથી પહેલો વિચાર ભારતીય કેપ્ટન રોહિત શર્માનો આવે છે. જેની પાછળનું ખાસ કારણએ છે કે હાલના સમયમાં રોહિત શર્મા આંતરરાષ્ટ્રીય ક્રિકેટમાં છગ્ગા લગાવવાના મામલામાં ખુબ મશહુર અને ટોચનું સ્થાન ધરાવે છે. આથી જો આંતરાષ્ટ્રીય ક્રિકેટમાં રોહિત શર્માથી પણ હટકર બેટ્સમેન આવી ચુક્યો છે. તેવું તમને કહેવામાં આવે  તો તમને વિશ્વાસ નહીં આવે પણ હિકકતમાં આવુ થયું છે. યુએઈમાં મુહમ્મદ વસીમે રોહિત શર્માનો રેકોર્ડ તોડ્યો છે.

અમીરાતના મુહમ્મદ વસીમે પોતાના નામે કરી લીધો રેકોર્ડ 

પહેલા આંતર્રાષ્ટ્રીય ક્રિકેટમાં એક વર્ષમાં સૌથી વધુ છગ્ગા લગાવવાનો રેકોર્ડ રોહિત શર્માના નામ પર છે. જેને હવે યૂનાઈડેટ અરબ અમીરાતના મુહમ્મદ વસીમે પોતાના નામે કરી લીધો છે. રોહિતનો રેકોર્ડ તોડવાની સાથે વસીમે એક ખાસ રેકોર્ડ બનાવ્યો છે. જેને અત્યાર સુધી કોઈ હાસલ કરી શક્યું નથી.

અત્યાર સુધી રોહિત શર્માના નામે હતો રેકોર્ડ

વાસ્તકમાં યુએઈનો વસીમ આંતર્રાષ્ટ્રીય ક્રિકેટના એક વર્ષમાં 100થી વધુ છગ્ગા લગાવનાર પહેલો ખેલાડી બની ગયો છે. આ પહેલા આંતર્રાષ્ટ્રીય ક્રિકેટમાં એક વર્ષમાં 80થી વધારે છગ્ગા બીજા કોઈ બેટ્સમેને લગાવ્યા નથી. 80 છગ્ગા લગાવવાનો રેકોર્ડ અત્યાર સુધી રોહિત શર્માના નામે હતો. જે હવે ધવસ્ત થઈ ગયો છે.

ક્રિકેટમાં 101 છગ્ગા લગાવ્યા હતા
ગયા વર્ષે એટલે કે 2023માં મુહમ્મદ વસીમે આંતર્રાષ્ટ્રીય ક્રિકેટમાં 101 છગ્ગા લગાવ્યા હતા. જ્યારે 80 છગ્ગા લગાવનાર રોહિત શર્મા બીજા નંબર છે. વસીમે 2023માં ટી20 અને વનડે મેચ રમી છે.. જ્યારે ભારતીય કેપ્ટને 2023માં વનડે અને ટેસ્ટ ક્રિકેટ રમી છે.. રોહિતે 2023માં એક પણ ટી20 ઈન્ટરનેશનલ મેચ રમી નથી.

એક વર્ષમાં સૌથી વધુ છગ્ગા કોણે લગાવ્યા

• 2023માં 101 છગ્ગા મુહમ્મદ વસીમ (યૂએઈ)
• 2023માં 80 છગ્ગા રોહિત શર્મા (ભારત)
• 2019માં 79 છગ્ગા રોહિત શર્મા  (ભારત)
• 2018માં 74 છગ્ગા રોહિત શર્મા  (ભારત)
• 2022માં 74 છગ્ગા સૂર્યકુમાર યાદવ (ભારત)