ગૌરવ / અમદાવાદની દીકરીએ ગુજરાતનું નામ રોશન કર્યું, જાતિય સમાનતા પ્રોગ્રામ હેઠળ ફેલોશીપ માટે પસંદ થઈ

• અમદાવાદની દીકરીએ ગુજરાતનું નામ રોશન કર્યું
• અદિતી રિન્દાની જાતીય સમાનતા પ્રોગ્રામ અંતર્ગતની ફેલોશીપમાં પસંદગી
• અદિતીનું મૂળ વતન જામનગર છે અને તેઓ વર્તમાનમાં અમદાવાદમાં રહે છે

આઇસલેન્ડ યુનિવર્સિટી અને યુનેસ્કો દ્વારા જાતીય સમાનતા પ્રોગ્રામ અંતર્ગતની ફેલોશીપ માટે આંખા દેશમાંથી એકમાત્ર ગુજરાતી યુવતીની પસંદગી થઈ છે. તમને જણાવી દઈએ કે, સમગ્ર દેશમાંથી જાતિય સમાનતા પ્રોગ્રામ હેઠળ બે યુવાનોની પસંદગી થઈ છે. જેમાં ગર્વ જેવી બાબત એ છે કે, પ્રથમ વાર કોઈ ગુજરાતીની યુવતીની પસંદગી થઈ હોય.

અમદાવાદની દીકરીએ ગુજરાતનું નામ રોશન કર્યું
ગુજરાતનું ગૌરવ અદિતી રિન્દાની આઇસલેન્ડ યુનિવર્સિટી અને યુનેસ્કો દ્વારા જાતીય સમાનતા પ્રોગ્રામ અંતર્ગતની ફેલોશીપ માટે પસંદગી થઈ છે. અદિતી રિન્દાનીનું મૂળ વતન જામનગર છે અને તેઓ વર્તમાનમાં અમદાવાદમાં રહે છે. તમને જણાવી દઈએ કે, અદિતી હવે આઈસલેન્ડ યુનિવર્સિટીમાં જાતિ સમાનતા પર માસ્ટર ડિપ્લોમા કરશે અને જે કોર્સ સ્કોલરશિપ છે અટલે કે અદિતીનો સંપૂર્ણ ખર્ચ ત્યાંની સરકાર ભોગવશે. 

અદિતી ટૂંકો પરિચય
અદિતી રિન્દાનીનું મૂળ વતન જામનગર છે અને તેઓ વર્તમાનમાં અમદાવાદમાં રહે છે. જાતિય સમાનતા બાબતે 10 વર્ષથી સતત અવાજ ઉઠાવતી આવી છે. આ સંબધિત  તેણે કેટલાક પ્રવચનો પણ આપ્યા છે તેમજ ફિલ્ડ વર્ક પણ કર્યું છે. તેમને જણાવી દઈએ કે, અદિતીએ 2019માં બર્લિનમાં 'આઈ સાઈન્ટિસ્ટ' કોન્ફ્રન્સમાં ભારતમાં જાતિય સમાનતા પર પ્રવચન આપવા માટે આમંત્રણ પણ આપવામાં આવ્યું હતું. અદિતીએ અનેક પ્રોજેક્ટો પર પણ કામ કર્યું છે.

દર વર્ષે 20 જેટલાઓ પસંદગી થાય છે
તમને જણાવી દઈએ કે, આ ફેલોશીપમાં દર વર્ષે 20 જેટલા યુવાન પ્રોફેશનલીની પસંદગી થતી હોય છે. અત્રે ઉલ્લેખનીય છે કે, 31 દેશોના 172 વિદ્યાર્થીઓ અત્યાર સુધી આમાં ભાગ લઈ લીધો છે. આઇસલેન્ડ યુનિવર્સિટી અને યુનેસ્કો એક પ્રેગ્રામ ચલાવે છે. 2009માં સમગ્ર ફેલોશીપની શરૂઆત થઈ હતી અને જાતિય સમાનતા અને સામાજિક ન્યાયને પ્રોત્સાહન આપવાનું કામ કરે છે એટલે કે,  આ કોર્સમાં પસંદગી પામેલ વિદ્યાર્થીર્થીઓને માસ્ટર ડિપ્લોમા પૂર્ણ થઈ ગયા પછી સર્ટિફિકેટ એનાયત કરવામાં આવે છે. પાપ્ત માહિતી અનુસાર આ પ્રોગ્રામ પાંચ મહિના જેટલો સમય ચાલે છે, જેનો ત્યાંની સરકાર આપે છે. સ્કોલરશિપ પ્રોગ્રામમાં તમામ સગવડો સહિત સ્ટાઈપેન્ડ પણ આપવામાં આવે છે.