ચીમકી / અમેરિકા-ચીન વચ્ચે તણાવ વધ્યો, USની ચેતવણી બાદ ડ્રેગન બદલાના મૂડમાં-કહ્યું નુકસાન ભોગવશે અમેરિકા, જાણો મામલો

• અમેરિકાએ ચીનના જાસૂસી બલૂન મામલો
• અમેરિકાએ ચીનના અધિકારીઓ સાથે કરી બેઠક 
• ચીને અમેરિકાને પરિણામ ભોગવવાની ધમકી આપી

અમેરિકાએ ચીનના જાસૂસી બલૂનને તોડી પાડયા બાદ બને વચ્ચે રકઝક ચાલી રહી છે આવી સ્થિતિ વચ્ચે ફરી એકવાર બંને દેશ સામસામે આવી ગયા છે. જેમાં અમેરિકાએ ચીનના અધિકારીઓ સાથે બેઠક કરીને હુંકાર કરતા જણાવ્યું અમેરિકા કોઈપણ ભોગે તેની સુરક્ષા બાબતે સમાધાન નહીં કરે. ત્યારે આ મામલે ચીન તરફથી ટિપ્પણી અંગે પ્રતિક્રિયા સામે આવી છે.જેમાં તેને ઉલટાનું અમેરિકાને પરિણામ ભોગવવાની ચીમકી આપી છે.

ચીને આમેરિકાને શુ આપી ધમકી? 

ચીનના વિદેશ મંત્રાલય દ્વારા જાહેર કરવામાં આવેલા નિવેદનમાં જણાવ્યું કે જો અમેરિકા દ્વારા જાસૂસી બલૂન મુદ્દો વકરાવશે તો તેણે ખરાબ પરિણામો ભોગવવાની પણ તૈયારી રાખવી જોઈએ. વધુમાં આ મુદ્દે અમેરિકા સતત ફાયદો લેવાનો પ્રયાસ કરી રહ્યું હોવાનું પણ જણાવ્યું છે. અમેરિકાના વિદેશ મંત્રી એન્ટની બ્લિકને ચીનના વિદેશ મંત્રી સાથે મુલાકાત વેળાએ ચીનએ આ પ્રકરનું નિવેદન આપતા મુદ્દો ગાજી રહ્યો છે.

અમેરિકા પોતાની સુરક્ષા મામલે....

બ્લિંકને મિટિંગ દરમિયાન આકરા શબ્દોમાં કહ્યું કે યુએસ બમણી તાકાતથી લડશે અને ચાઇનીઝ હાઇ-એલ્ટિટ્યુડ સર્વેલન્સ બલૂનના પ્રયાસને ભોભીતર કરશે. મહત્વનું છે કે બ્લિંકને ચીનના વિદેશ મંત્રી વાંગ યી સાથેની મુલાકાતમાં રશિયા-યુક્રેન યુદ્ધનાવ મુદ્દે પણ ચર્ચા કરી હતી. આ ઘમાસાણ યુદ્ધ મામલે બ્લિંકને તેના પરિણામો મામલે ચર્ચા કરી છે. ઉલ્લેખનિય છે કે અમેરિકાએ  તાજેતરમાં ચીનના એક જાસૂસી બલૂનને તોડી પાડ્યું હતું. જો બિડેને કહ્યું હતું કે અમેરિકા પોતાની સુરક્ષા મામલે પાછી પાની નહિ કરે અને સુરક્ષા કરવા જાણે છે. સુરક્ષા મામલે સમાધાન પણ ક્યારેય નહીં કરે. જે ઉદ્દેશથી જ એરફોર્સને એક મિશન સોંપાયા બાદ જાસૂસી બલૂન તોડી પડાયું હતું.