SSR આત્મહત્યા મામલો / સુશાંત કેસમાં 2 નવા ઘટસ્ફોટ, રિયા સાથે ઝઘડા બાદ આ 8 વસ્તુઓનો કરાયો હતો નાશ

સુશાંત સિંહ રાજપૂત કેસમાં બે મોટા ખુલાસા થતાં કેસમાં નવો વળાંક આવ્યો છે. જેમાં સુશાંતના પૂર્વ બોડીગાર્ડ અને મિત્ર સિદ્ધાર્થ પીઠાનીએ મોટા ઘટસ્ફોટ કર્યા છે.નાર્કોટિક્સ કંટ્રોલ બ્યુરો સુશાંત સિંહ રાજપૂત કેસમાં ડ્રગ એંગલ પર તપાસ કરવાની તૈયારીમાં છે, આવામાં ઈન્ડિયા ટુડને સ્ટિંગ ઑપરેશનમાં કરાયેલા દાવા પ્રમાણે મહત્વનું નિવેદન સામે આવ્યું છે. જેમાં સુશાંતના પૂર્વ બોડીગાર્ડ મુસ્તાક શેખે નિવેદન આપ્યું છે જે સુશાંત ચરસ અને મારિજુઆનાની લતનો શિકાર હોવા તરફ ઈશારો કરી રહ્યું છે.

ચરસ સાથે પાર્ટી

સુશાંતનો પૂર્વ બોડીગાર્ડ, સ્ટિંગ ઑપરેશન  દરમ્યાન જણાવે છે કે તેણે બોલિવૂડ સ્ટારને ખાનગી પાર્ટીઓ દરમિયાન અને તેની કારમાં મુસાફરી દરમિયાન મોંઘા અને આયાત કરાયેલા ચરસ લઈ જતા જોયા હતા. અન્ડરકવર રિપોર્ટરે મુસ્તાક સાથે પોતાને ફિલ્મ નિર્માતા તરીકે રજૂ કરીને વાત કરી હતી જેમાં આ વાચતીત છૂપા કેમેરામાં કેદ થઈ હતી.

ગયા વર્ષે ફેબ્રુઆરીમાં નોકરી છોડતા પહેલા મુસ્તાક લગભગ નવ મહિના સુધી અભિનેતાની ખાનગી સુરક્ષા એસ્કોર્ટમાં કામ કરતો હતો.

ઉલ્લેખનીય છે કે સુશાંત સિંહ રાજપૂત ઘરકામ કરનાર નીરજે પોલીસ સમક્ષ કરેલા નિવેદનમાં દાવો કર્યો હતો કે તેણે અભિનેતાની મૃત્યુના થોડા દિવસો પહેલા ગાંજાની સિગારેટ રોલ કરી હતી.

બીજી બાજુ નવો ખુલાસો પણ થયો

સુશાંતસિંહ રાજપૂત કેસમાં દરરોજ નવા નવા ખુલાસાઓ થઈ રહ્યા છે. સીબીઆઈને આ કેસની તપાસમાં ઘણી મહત્વપૂર્ણ માહિતી મળી રહી છે. તપાસ એજન્સીએ ફરીથી સુશાંત સિંહ રાજપૂત સાથે ફ્લેટમાં રહેતા તેના મિત્ર સિદ્ધાર્થ પીઠાણીની પૂછપરછ કરી છે. સીબીઆઈ સૂત્રોના જણાવ્યા અનુસાર સિદ્ધાર્થ પીઠાનીએ આ સમયગાળા દરમિયાન અનેક ઘટસ્ફોટ કર્યા છે.

તેણે કહ્યું કે 8 જૂને સુશાંત અને રિયા ચક્રવર્તી વચ્ચે ઝઘડો થયો હતો. 8 મી જૂને, રિયાએ ઘર છોડતા પહેલા 8 હાર્ડ ડ્રાઈવોનો નાશ કરવામાં આવ્યો હતો. સુશાંતની હાજરીમાં આ હાર્ડ ડ્રાઈવોનો નાશ કરવામાં આવ્યો હતો. આ દરમિયાન રિયા પણ રૂમમાં હાજર હતી. આઇટી પ્રોફેશનલ્સ ડ્રાઈવનો નાશ કરવા માટે આવ્યા હતા. જો કે, તે સ્પષ્ટ નથી કે તેમને કોણે બોલાવ્યા હતાં.