માન્યતા / Surya Grahan 2023: સૂતક કાળમાં ભૂલથી પણ ન કરતા આ કાર્યો નહીં તો.., જાણો સૂર્યગ્રહણથી બચવા શું ઉપાય કરવા

• હિંદુ ધર્મમાં સૂર્યગ્રહણ અને ચંદ્રગ્રહણનું વિશેષ મહત્ત્વ
• આ વર્ષે 14 ઓક્ટોબરના રોજ સૂર્યગ્રહણ
• સૂર્યગ્રહણ દરમિયાન શું કરવું અને શું ના કરવું?

હિંદુ ધર્મમાં સૂર્યગ્રહણ અને ચંદ્રગ્રહણનું વિશેષ મહત્ત્વ છે. આ વર્ષે 14 ઓક્ટોબરના રોજ સૂર્યગ્રહણ છે. ભારતીય સમય અનુસાર 14 ઓક્ટોબરે રાત્રે 08:34 વાગ્યે સૂર્યગ્રહ્ણ શરૂ તશે ને રાત્રે 02:25 વાગ્યે પૂર્ણ થશે. આ ગ્રહણ 5 કલાક અને 51 મિનિટનું રહેશે. આ સૂર્યગ્રહણ વર્ષનું છેલ્લું સૂર્યગ્રહણ હશે. ગ્રહણ દરમિયાન સૂતકકાળનું ખાસ ધ્યાન રાખવું જોઈએ. ધાર્મિક માન્યતા અનુસાર ગ્રહણનો સૂતકકાળ 12 કલાક થવા 9 કલાક પહેલા શરૂ થાય છે. જેમાં સૂર્યગ્રહણનો સૂતકકાળ 12 કલાક પહેલા પ્રારંભ થાય છે. સૂતકકાળને અશુભ માનવામાં આવે છે. સૂતકકાળમાં માંગલિક અથવા શુભ કાર્ય કરવામાં આવતું નથી. આ ગ્રહણનો સૂતકકાળ 14 ઓક્ટોબરે સવારે 08:34 વાગ્યે શરૂ થઈ જશે. 

ગ્રહણ દરમિયાન આ બાબતોનું ખાસ ધ્યાન રાખવું

• ગ્રહણ દરમિયાન ઘરેથી બહાર ના નીકળવું જોઈએ. ગ્રહણને ક્યારેય પણ સીધી આંખોથી ના જોવું જોઈએ. 
• ગ્રહણ સમયે રસોઈ સંબંધિત કોઈપણ કાર્ય ના કરવું જોઈએ અને ખાવું પણ ના જોઈએ. 
• ગ્રહણ સમયે ગર્ભવતી મહિલાઓએ બહાર ના નીકળવું
• ગ્રહણ સમયે સોયો દોરો ના પરોવવો જોઈએ. 
• ગ્રહણ સમયે શાક ના સમારવું અને વઘાર ના કરવો. 
• ગ્રહણ સમયે મંદિરની મૂર્તિને સ્પર્શ ના કરવો જોઈએ. 
• ગ્રહણ સમયે સૂર્યદેવનું ધ્યાન ધરીને મોટા અવાજે મંત્ર 'ॐ ह्रां ह्रीं ह्रौं स: सूर्याय नम:' અને 'ऊँ घृणिः सूर्याय नमः' નો જાપ કરવો. 
• ઊંચા અવાજે મંત્રોચ્ચાર કરવાથી નકારાત્મક ઊર્જા દૂર થાય છે. 
• ગ્રહણ દરમિયાન ઘરમાં પાણીના વાસણમાં પાણીમાં, દૂધ અને દહીમાં તુલસીના પાન નાખવા. ગ્રહણ પૂર્ણ થયા પછી તે તુલસીના પાન કાઢીને ફેંકી દેવા. 

સૂર્યગ્રહણ પછી શું કરવું?

• સૂર્યગ્રહણ પછી ઘરની સાફ સફાઈ કરીને આખા ઘરમાં ગંગાજળનો છંટકાવ કરવો. 
• ઘરના મંદિરમાં રાખેલ તમામ દેવી દેવતાઓની મૂર્તિ અને તસવીર પર ગંગાજળ છાંટીને સ્નાન કરાવવું. 
• સૂર્યગ્રહણ પછી સ્નાન ધ્યાન કરીને દાન કરવું.
• સૂર્યગ્રહણ પછી ગાયને લીલો ચારો ખવડાવવો. 
• ગ્રહણ દરમિયાન ઘરમાં પાણીના વાસણમાં પાણીમાં, દૂધ અને દહીમાં તુલસીના પાન નાખવા. ગ્રહણ પૂર્ણ થયા પછી તે તુલસીના પાન કાઢીને ફેંકી દેવા. 
• સૂર્યગ્રહણ શરૂ થતા પહેલા અનાજ અને જૂના કપડાં કાઢીને રાખવા. ગ્રહણ પૂર્ણ થયા પછી તે કપડા અને અનાજ સફાઈ કર્મચારીને આપવા. આ પ્રકારે કરવાથી શુભ ફળ પ્રાપ્ત થશે.