VVIP નંબરો / સુરતીઓનો સપાટો.! GJ 05 RV 0001 નંબર 9.85 લાખમાં વેચાયો, 0009, 0099 માટે પણ આટલા લાખ ખર્ચ્યા

• સુરત RTOમાં VIP અને VVIP નંબર માટે હરાજી યોજાઈ 
• RTO ઇન્ચાર્જ આકાશ પટેલે કારની નવી RV સીરિઝ મૂકી હતી ખુલ્લી 
• મોટી સંખ્યામાં કાર માલિકોએ VIP, VVIP નંબરો માટે કરી હતી અરજીઓ 

સુરત આરટીઓ દ્વારા VVIP નંબર માટે હરાજી યોજાઈ હતી. જેમાં આરટીઓનાં ઈન્ચાર્જ આકાશ પટેલે નવી RV સીરિઝ ખુલ્લી મુકી હતી. ત્યારે મોટી સંખ્યામાં કાર માલિકોએ VIP તેમજ VVIP નંબર માટે અરજીઓ કરી હતી. 530 વાહન માલિકોએ અરજી કરી હતી. જેમાંથી 499 વાહન માલિકોએ નંબરો મેળવ્યા છે. કાર અને વ્હીકલની નવી સીરિઝની હરાજીથી RTO ને 49.51 લાખની આવક થવા પામી છે. 
ક્યાં નંબર માટે કેટલી બોલી બોલાઈ
સુરતી આરટીઓ દ્વારા વીવીઆઈપી નંબરની હરાજી કરવામાં આવી હતી. જે હરાજીથી આરટીઓને 49.51 લાખની આવક થવા પામી હતી. જેમાં GJ 05 RV 0001 નંબર માટે 9.85 લાખ, GJ 05 RV 0009 નંબર માટે 3.50 લાખ, GJ 05 RV 0099 નંબર માટે 3.15 લાખની બોલી બોલાઈ હતી.

વીવીઆઈપી નંબર મેળવવા માટે અરજદારો દ્વારા બોલી લગાવાઈ
આ બાબતે આરટીઓ અધિકારીએ જણાવ્યું હતું કે,  પસંદગીનાં નંબરો માટે સરકાર દ્વારા ઓક્શનની પદ્ધતિ અમલમાં મુકવામાં આવી છે.  ફોર વ્હીલર માટે ઓછામાં ઓછા આઠ હજાર રૂપિયા તેમજ સિલ્વર અને ગોલ્ડન નંબર માટે ઓછામાં ઓછા પંદર હજાર અને ચાલીસ હજાર નક્કી કરવામાં આવેલ છે. એનાથી વધારે લોકો બીડ લગાવીને નંબર મેળવતા હોય છે. ગત રોજ 12 તારીખનાં રોજ જે સીરીઝ સમાપન કરી છે. એક નંબર માટે એક અરજદાર દ્વારા રૂ. 1.85 લાખ રૂપિયા, 9 નંબર માટે 3.50 લાખ રૂપિયા અને 99 નંબર માટે 3.15 લાખ રૂપિયાની બોલી લાગી હતી. ત્યારે બોલી લગાવનાર શખ્શોએ આરટીઓ કચેરીમાં નાણાં પણ જમા કરાવેલ છે.