ક્રાઈમ / 5 વર્ષની બાળકીના રેપ-હત્યા કેસમાં સુરત કોર્ટનો મોટો ચુકાદો, પરપ્રાંતિય સુજિત સાકેત દોષીત જાહેર, જાણો ચકચારી ઘટના

• સુરત હજીરા વિસ્તારમાં બાળકી રેપ હત્યા મામલો
• સુરત કોર્ટ આરોપી સુજીત સાકેતને દોષિત જાહેર કર્યો
• 30 એપ્રીલ 2021 ના રોજ બની હતી ઘટના 
• દોષિતે 5 વર્ષની બાળકી સાથે દુષ્કર્મ કરીને નિપજાવી હતી હત્યા 

સુરતના હજીરા વિસ્તારમાં 30 એપ્રીલ 2021ની 5 વર્ષની બાળકીના રેપ અને હત્યાની ચકચારી ઘટનામાં સુરત કોર્ટના એડિશનલ સેસન્સ જજ અને સ્પેશિયલ જજ પી એસ કલાએ મૂળ મધ્યપ્રદેશના અને સુરતમાં મજૂરી કામ કરીને ગુજરાન ચલાવનાર આરોપી સુજીત સાકેતને દોષીત જાહેર કર્યો છે. કોર્ટે હવે પછીની સુનાવણીમાં દોષિતની સજા જાહેર કરવાનું જણાવ્યું છે. આ કેસમાં કોર્ટે અલગ અલગ 26 સાક્ષીઓની ઉલટતપાસ કરી હતી અને તેમની જુબાની નોંધી હતી. સાથે કોર્ટે કોર્ટે 53 જેટલા દસ્તાવેજી પુરાવા પણ તપાસ્યા હતા. ફરિયાદ પક્ષની દલીલોને આધારે તથા આરોપી સામે પાકા પુરાવા મળતા કોર્ટે તેને દોષિત જાહેર કર્યો હતો. 

કોર્ટે હવે આગામી સુનાવણીમાં દોષીત માટે સજા જાહેર કરશે
સુરતની કોર્ટ હવે આગામી સુનાવણીમાં દોષીત સુજાત માટે સજાની જાહેરાત કરશે. ફરિયાદ પક્ષે દોષીત માટે ફાંસીની સજાની માગ કરી છે. 

શું છે ચકચારી ઘટના

સુરતના હજીરા વિસ્તારમાં 30 એપ્રીલ 2021ના રોજ બનેલી આ ચકચારી ઘટનામાં આરોપી સુજીત સાકેતે પહેલા 5 વર્ષની બાળકી સાથે દુષ્કર્મ આચર્યું હતું એટલું જ નહીં પરંતુ દોષિતે પીડિતા સાથે સૃષ્ટિ વિરૃદ્ધનું કૃત્ય પણ આચર્યું હતું. ત્યાર બાદ  પુરાવાનો નાશ કરવાના ઈરાદાથી નરાધમે ઈંટ મારીને પીડિતાનું માથુ ફોડી નાખ્યું હતું, પીડિતા મરી જ જાય તેની ખાતરી કરવા દોષિતે સુજાતે પીડિતાનું ગળુ પણ દબાવ્યું હતું. સમગ્ર રાજ્યમાં આ ઘટનાના ઘેરા પ્રત્યાઘાત પડ્યાં હતા તથા આરોપીને ફાંસીની સજા પણ માગ ઉઠી હતી.