ચુકાદો / સુપ્રીમ કોર્ટનો મોટો ચુકાદો, મેડિકલ પ્રવેશ પરીક્ષા NEET માં OBC અને EWS ને 27% અનામતની મંજૂરી

• NEET PG Counselling 2021 નો રસ્તો ક્લિયર 
• OBC અને EWS ક્વોટાને લઈને સુપ્રીમ કોર્ટનો ચુકાદો 
• 27% અનામતને આપી મંજૂરી 

NEET PG Counselling 2021 નો ગૂંચવાયેલો મામલો હવે સોલ્વ થઈ જશે તેવું લાગી રહ્યું છે. 

Supreme Court દ્વારા આજે અપાયેલ ચુકાદામાં નીટ OBC અને EWS ક્વોટાને લઈને પોતાનો અંતિમ નિર્ણય જાહેર કરવામાં આવ્યો છે.

સુપ્રીમ કોર્ટે 6 જાન્યુઆરીએ પોતાનો ચુકાદો નક્કી કર્યા બાદ કહ્યું હતું કે રાષ્ટ્ર હિતમાં નીત પીજી કાઉન્સેલિંગ શરૂ થવું જરૂરી છે. 

સુપ્રીમ કોર્ટે આ વર્ષે હાલના માપદંડો તરીકે તમામ મેડિકલ બેઠકો માટે NEET માં પ્રવેશ માટે ઓલ-ઇન્ડિયા ક્વોટા (AIQ) બેઠકોમાં અન્ય પછાત વર્ગ (OBC) માટે 27% અને આર્થિક રીતે નબળા વિભાગ (EWS) વર્ગ માટે 10% અનામતની મંજૂરી આપી છે.

Supreme Court allows 27% reservation for Other Backward Class (OBC) and 10% for Economically Weaker Section (EWS) category in the All-India Quota (AIQ) seats for admission in the NEET for all medical seats as existing criteria this year.

— ANI (@ANI) January 7, 2022

સુપ્રીમ કોર્ટ દ્વારા રિઝર્વેશન લાગુ કરવાનો નિર્ણય
સુપ્રીમ કોર્ટમાં નીટ પીજી મામલે રિઝર્વેશનનો ચુકાદો આપવામાં આવ્યો હતો જેમાં કહેવામાં આવ્યું હતું કે આ વર્ષે આ બેચને જ રિઝર્વેશન લાગુ પડશે. કોર્ટના નિર્ણય બાદ હવે કાઉન્સેલિંગ બાદ રસ્તો સાફ થઈ ગયો છે. જલ્દીથી કાઉન્સેલિંગ શરૂ થશે. 

NEET કાઉન્સિલિંગ ટૂંક સમયમાં શરૂ

જસ્ટિસ ડીવાય ચંદ્રચુડ અને એએસ બોપન્નાની બેન્ચે આ ચુકાદો સંભળાવ્યો હતો. ગઈકાલે આ મામલાની સુનાવણી દરમિયાન બેન્ચે અવલોકન કર્યું હતું કે તેનો આદેશ રાષ્ટ્રીય હિતને ધ્યાનમાં રાખશે અને તેને ધ્યાનમાં રાખીને, NEET કાઉન્સિલિંગ ટૂંક સમયમાં શરૂ થવી જોઈએ. NEET PG કોર્સ માટેની કાઉન્સેલિંગ સુપ્રીમ કોર્ટ સમક્ષ ચાલી રહી હોવાને કારણે રોકી દેવામાં આવી છે.