તમારા કામનું / એક્સિડેન્ટ સમયે તમારો જીવ લઈ શકે છે આવા હેલ્મેટ, જાણી ખરીદતા સમયે કઈ બાબતનું રાખવું ધ્યાન

• ટુ વ્હીલર ચલાવતી વખતે હેલ્મેટ પહેરવું ખૂબ જ જરૂરી છે.
• યોગ્ય માપનું હેલ્મેટ ખરીદવું ખૂબ જ જરૂરી છે.
• બેસ્ટ હેલ્મેટ ખરીદતા પહેલા 5 વાતો ધ્યાનમાં રાખો 

આપણા ભારત દેશમાં ગાડીઓ કરતાં ટુ-વ્હીલર્સ ચલાવનાર લોકોની સંખ્યા ઘણી વધુ છે. ભારતીય ટુ વ્હીલર માર્કેટમાં કરોડો સ્કૂટર અને બાઇક ઉપલબ્ધ છે. જે ચલાવતી વખતે હેલ્મેટ પહેરવું ખૂબ જ જરૂરી છે.

શા માટે જરૂરી હેલ્મેટ 
સલામતીને ધ્યાનમાં રાખીને હેલ્મેટ પહેરવું ખૂબ જ મહત્વપૂર્ણ છે અને બીજું જો તમે હેલ્મેટ નથી પહેરતા તો એ ટ્રાફિક નિયમોનું ઉલ્લંઘન છે. આવી સ્થિતિમાં ઘણા લોકો કામ ચલાવવા માટે કોઈપણ હેલ્મેટ ખરીદી લે છે. એ ખોટું છે, યોગ્ય માપનું હેલ્મેટ ખરીદવું ખૂબ જ જરૂરી છે. તો આજે અમે તમને એવી 5 વાતો વિશે જણાવવા જઈ રહ્યા છીએ જેની મદદથી તમે તમારા માટે પરફેક્ટ હેલ્મેટ પસંદ કરી અને દુર્ઘટનાથી બચી શકો છો. 

બેસ્ટ હેલ્મેટ ખરીદતા પહેલા 5 વાતો ધ્યાનમાં રાખો 
1.  ફુલ સાઈઝ હેલ્મેટ -
પહેલા તો તમારે તમારી પસંદગીની હેલ્મેટ પસંદ કરવી જોઈએ, એ હેલ્મેટમાં તમે આરામ અનુભવતા હોય એવી. આપણે જાણીએ છીએ કે હાલ માર્કેટમાં હેલ્મેટના ઘણા પ્રકારો હાજર છે. જેમ કે ફુલ સાઈઝ હેલ્મેટ, હાફ ફેસ અને મોડ્યુલર. મોટાભાગના બાઇક રાઇડર્સ ફુલ સાઇઝ હેલ્મેટ પસંદ કરે છે. સુરક્ષા માટે ફુલ સાઈઝ હેલ્મેટ શ્રેષ્ઠ વિકલ્પ છે.

2. સર્ટિફિકેશન-
કોઈપણ હેલ્મેટ ખરીદતા પહેલા ધ્યાનમાં રાખો કે તેમાં સર્ટિફિકેશન છે કે નહીં. હેલ્મેટનું સર્ટિફિકેશન તેની મજબૂતી અને સુરક્ષાને સુનિશ્ચિત કરે છે એટલા માટે જરૂરી છે કે તમે ISI માર્ક વાળું જ હેલ્મેટ ખરીદો.

3. હેલ્મેટ મટિરિયલ - 
હાલ મોટાભાગના હેલ્મેટ ફાઈબર-ગ્લાસ કમ્પોસાઇટથી બનાવવામાં આવે છે પણ મોંઘા હેલ્મેટ કાર્બન કમ્પોસાઇટથી બનાવવામાં આવે છે જે સારા અને સુરક્ષિત હોય છે. પ્લાસ્ટિકમાંથી બનાવવામાં આવેલ હેલ્મેટ માત્ર એક જ વાર પડી જતાં તૂટી જાય છે. 

4. કવરેજ એરિયા -
કોઈ પણ હેલ્મેટને ખરીદતા પહેલા તેના કવરેજ એરિયા પર એક વખત ધ્યાન આપવું જોઈએ. એ એરિયા સૂચવે છે કે હેલ્મેટ કેટલું સુરક્ષિત છે. 

5. વિઝર - 
હેલ્મેટ સામાન્ય રીતે બે પ્રકારના વિઝર સાથે આવે છે જેમાં એક સફેદ કલરમાં આવે છે જે બહારથી કાળા રંગનું નજર આવે છે. જ્યારે બીજું કાળા રંગુનું હોય છે જે તડકામાં વધુ ઉપયોગી બને છે.