સર્વે / અંગ્રેજોના સમયની ગુજરાત પોલીસની યુનિફોર્મમાં કરાશે આવા ફેરફાર, હજારો જવાનોનો સર્વે કરાયો

• ગુજરાત પોલીસમા કાર્યરત મહિલા પોલીસ કર્મીઓ પર રીસર્ચ
• મહિલા પોલીસ પર ખાખી વર્ધીને લઈ રીસર્ચ 
• સર્વે કરાયેલી 75 ટકા મહિલાઓએ હાલ ના યુનિફોર્મ બદલવા સહમતી દર્શાવી
• ગુજરાતની 7 હજાર મહિલા પોલીસ કર્મીઓએ સર્વેમા ભાગ લીધો 

 ગુજરાત પોલીસનાં યૂનિફોર્મમાં કલર અને ડિઝાઈન બદલાવ માટે સરકાર દ્વારા એક સર્વે હાથ ધરવામાં આવ્યો હતો. સરકાર દ્વારા પોલીસ વર્દીનાં કપડા અને કલરમાં ફેરફાર અંગેની કામગીરી હાથ ધરી છે. ગાંધીનગર સહિત 5 જીલ્લાનાં 7 હજાર પોલીસ કર્મીનો સર્વે કરવામાં આવ્યો છે. હાલની મહિલા પોલીસનાં યૂનિફોર્મમાં મહિલા પોલીસને મુશ્કેલી પડી રહી છે. સરકારની પરવાનગી બાદ આગામી દિવસોમાં કામગીરી હાથ ધરવામાં આવશે. આગામી સમયમાં પોલીસ નવા રંગ-રૂપનાં યૂનિફોર્મમાં જોવા મળશે. અંગ્રેજ શાસન સમયથી પોલીસનો યૂનિફોર્મ ખાખી કલરમાં છે. 

યુનિફોર્મ તકલીફ પડતી હોવાની વાતમાં સંમતિ દર્શાવી 
ગુજરાત પોલીસમાં કાર્યરત મહિલા પોલીસ કર્મીઓ પર સર્વે કરવામાં આવ્યો હતો. ત્યારે સર્વે કરાયેલી 75 ટકા મહિલાઓએ હાલનાં યુનિફોર્મ બદલવાની સહમતી દર્શાવી હતી. ગુજરાતની 7 હજાર મહિલા પોલીસ કર્મીઓએ સર્વેમાં ભાગ લીધો હતો. ત્યારે અમદાવાદની ખાનગી યુનિવર્સિટી દ્વારા સર્વે હાથ ધરાયો હતો. યુનિફોર્મમાં તકલીફ પડતી હોવાની વાતમાં સંમતિ દર્શાવી હતી. મહિલા પોલીસ પર સર્વેમાં વિદ્યાર્થીનીઓ પણ સામેલ હતો. 

અમદાવાદ સહિત 35 જીલ્લાઓમાં સર્વે હાથ ધરાયોઃ ભવ્યા રાણા
અનંતા યુનિવર્સિટીનાં પ્રોફેસર ભવ્યા રાણાએ જણાવ્યું હતું કે, અમે ગુજરાત પોલીસમાં ફરજ બજાવતી મહિલા પોલીસ કર્મીઓ માટે સર્વે કર્યો હતો. જેમાં અમે ગુજરાતનાં અમદાવાદ સહિત 35 જીલ્લાઓમાં પણ સર્વે હાથ ધર્યો હતો. જેમાં રોજીંદા કામકાજમાં મહિલા પોલીસકર્મીઓ તેમની યુનિફોર્મને લઈને શું વિચારી રહી છે તે અંગે સર્વે હાથ ધર્યો હતો. ત્યારે તમે બધા જાણો છો કે વાતાવરણ અવાર નવાર બદલાઈ રહ્યું છે. ત્યારે ફીટ બેલ્ટનાં કારણે જમ્યા બાદ મહિલાઓને પેટમાં જે દુઃખાવો થાય છે. તે તમામ તકલીફોનું સર્વેમાં અમે નીરીક્ષણ કર્યું છે.