કોર્ટમાં કેસ / Apple ના કર્મચારીઓની FB પોસ્ટ પર છોકરીની અશ્લીલ તસવીર, કંપનીએ કરી આ ચતુરાઈ

• Apple ના એક કર્મચારીએ છોકરીનો ફોન રિપેર કરતા કર્યું કૃત્ય
• છોકરીના ફેસબુક તેની અશ્લીલ તસવીરો અને વીડિયો અપલોડ કર્યાં
• છોકરીએ કંપની પર લાખો રુપિયાનો દાવા માંડ્યો 

મીડિયા રિપોર્ટ અનુસાર, પેગાટ્રોનની કેલિફોર્નિયા ફેસિલિટીમાં iPhone ને રિપેર કરવામાં આવી રહ્યો હતો ત્યારે બે ટેકનીશિયનોએ 2016 માં ઓરેગન કોલેજ સ્ટુડન્ટ જેન ડો કે ફોનમાંથી વાંધાજનક તસવીરો અને એક વીડિયોને તેના ફેસબુક એકાઉન્ટ પર અપલોડ કરી દીધો હતો.

પરંતુ આ છોકરીએ જ્યારે તેનું ફેસબુક એકાઉન્ટ ખોલ્યું ત્યારે તેણે તેની અશ્લીસ તસવીરો અને વીડિયો જોયો હતો. આ જોઈને તે ખુદ ગભરાઈ હતી અને તેણે તાત્કાલિક તેના વકીલનો સંપર્ક સાધીને કોર્ટમાં કેસ દાખલ કરાવી દીધો. કર્મચારીઓનું આ કૃત્ય Apple ને ખૂબ ભારે પડ્યું. કોર્ટે એપલને છોકરીને લાખો રુપિયા ચુકવી આપવાનો આદેશ આપ્યો.

Apple એ આ ઘટનાની પુષ્ટિ કરી
રિપોર્ટમાં જણાવાયું છે કે એપ્પલે સુવિધાની વિસ્તૃત તપાસ કરી અને ઘટના માટે જવાબદાર બે કર્મચારીઓને કાઢી મૂક્યા. એપ્પલના પ્રવક્તાએ એક નિવેદન જારી કરીને જણાવ્યું કે અમે અમારા ગ્રાહકોના ડેટાની ગોપનીયતા અને સુરક્ષાને ઘણી ગંભીરતાથી લઈએ છીએ અને એ સુનિશ્ચિત કરવા માટે ઘણા પ્રોટોકોલ છે કે ડેટાને પૂરી રિપેર પ્રોસેસમાં સુરક્ષિત રાખવામાં આવે. 

કંપનીના પ્રવક્તાએ જણાવ્યું કે જ્યારે અમે 2016 માં અમારી એક વેન્ડર પર આ નીતિઓના ગંભીર ઉલ્લંઘન અંગે જાણકારી મળી ત્યારે અમે તત્કાળ કાર્યવાહી કરી અને વેન્ડર પ્રોટોકોલને મજબૂત કરવાનું ચાલુ રાખ્યું. 

એપ્પલે કરી આ ચતુરાઈ
રિપોર્ટ અનુસાર, એપ્પલે તેનું નામ કોર્ટની ફાઈલિંગમાંથી હટાવી દીધું છે પરંતુ એપ્પલ અને પેગાટ્રોન સાથે સંબંધિત એક કેસમાં ઓળખનો ખુલાસો થયો છે જ્યાં વકીલોએ કહ્યું કે ગ્રાહક સ્પસ્ટ રીતે એપ્પલ હતો.