બોલીવૂડ / સિંગર સોનુ નિગમ કોરોના સંક્રમિત,દુબઈથી વીડિયો શેર કરી કહ્યું- ડરવાની કોઈ જરૂર નથી

• જાણીતા સિંગર સોનુ નિગમ કોરોના સંક્રમિત
• વીડિયો શેર કરી આપી જાણકારી
• દીકરો અને પત્નીનો રિપોર્ટ પણ આવ્યો પોઝિટિવ

બોલિવૂડ અને ટીવી ઈન્ડસ્ટ્રીના ઘણા સેલેબ્સ કોરોનાની ઝપેટમાં આવી ગયા છે. કેટલાક લોકોએ તેને હરાવ્યો છે, જ્યારે કેટલાક લોકો હજુ પણ તેની સાથે લડી રહ્યા છે. ત્યારે પોતાના સુરીલા અવાજથી લાખો લોકોના દિલો પર રાજ કરનાર જાણીતા ગાયક સોનુ નિગમ કોવિડ 19 પોઝીટીવ થયાં છે. 

હાલમાં જ તેણે સોશિયલ મીડિયા પર એક વીડિયો શેર કરીને આ વિશે માહિતી આપી છે. સોનુ નિગમની સાથે તેમના પુત્ર નીવાન નિગમ, પત્ની મધુરિમા નિગમને પણ કોરોના થયો છે.

 

 

 

 

View this post on Instagram

 

 

 

 

 

 

 

 

 

 

 

A post shared by Sonu Nigam (@sonunigamofficial)

સોશિયલ મીડિયા પર વીડિયો શેર કર્યો છે

સોનુ નિગમે પોતાના ઈન્સ્ટાગ્રામ એકાઉન્ટ પર એક વીડિયો દ્વારા પોતાના કોરોના પોઝિટિવ હોવાની માહિતી શેર કરી છે. તેણે લગભગ 3 મિનિટનો એક વીડિયો શેર કર્યો છે, જેમાં તેણે કહ્યું છે કે તે દુબઈમાં છે અને કોરોના (Sonu Nigam Corona Positive)સામે લડાઈ લડી રહ્યો છે.

નવા વર્ષની શુભકામનાઓ સાથે આપ્યા આ સમાચાર

સોનુ નિગમે શેર કરેલા વીડિયોમાં લખ્યું છે- 'તમને બધાને નવા વર્ષની શુભકામનાઓ. હું કોવિડ પોઝિટિવ છું. ઘણા લોકો આ જાણે છે અને ઘણા નથી. પરંતુ એ પણ સાચું છે કે મને નથી લાગતું કે હું કોવિડ પોઝિટિવ છું. હું દુબઈમાં છું. મારે ભારત આવવાનું હતું કારણ કે મારે ભુવનેશ્વરમાં પરફોર્મ કરવાનું હતું અને સુપર સિંગર સીઝન 3નું શૂટિંગ પણ કરવાનું હતું. પરંતુ જ્યારે મેં કોરોના ટેસ્ટ કરાવ્યો ત્યારે હું પોઝિટિવ આવ્યો. પરંતુ મને આશા છે કે હું ધીરે ધીરે સાજો થઈશ. મેં કેટલી વાર વાઈરલ અને ગળા ખરાબમાં કોન્સર્ટ કર્યા છે અને તે તેના કરતા ઘણું સારું છે. હું કોવિડ પોઝીટીવ છું પણ હું મરી રહ્યો નથી. મારું ગળું પણ ચાલી રહ્યું છે એટલે કે હું ઠીક છું. ડરવાનું કંઈ નથી. પરંતુ મને ખરાબ લાગે છે કે ઘણું નુકસાન થયું છે. મારી જગ્યાએ બીજા ગાયકો આવ્યા છે.

પરિવારના આ લોકો પણ કોરોનાની ઝપેટમાં

સોનુ નિગમે આખરે કહ્યું કે તેની પત્ની મધુરિમા નિગમ અને પુત્ર નિવાન પણ કોરોના પોઝિટિવ છે. તેણે કહ્યું- 'મારો પુત્ર, મારી પત્ની અને મારી પત્નીની બહેન બધા કોરોના વાયરસથી સંક્રમિત છે. અમે હેપ્પી કોરોના પોઝિટિવ પરિવાર છીએ. તમને જણાવી દઈએ કે સોનુ નિગમ છેલ્લા દોઢ મહિનાથી સતત કોન્સર્ટ અને શૂટિંગ કરી રહ્યો હતો, જેના કારણે તે તેના પરિવારને મળ્યો પણ નથી. હવે કોવિડ પોઝિટિવ આવ્યા બાદ તેને દુબઈમાં જ તેના પરિવાર સાથે ક્વોરેન્ટાઈન કરવામાં આવ્યો છે.