ખાડામાં 'મપાઇ' ગયા! / સ્માર્ટસિટી અમદાવાદ બેહાલઃ શહેરમાં ભૂવા-ખાડાનું સામ્રાજ્ય, તંત્રના આંખ આડા કાન

Divyesh

Last Updated: 11:27 AM, 4 September 2020

FOLLOW ON

શેર કરો

સ્માર્ટ સિટી કહેવાતું અમદાવાદ પણ હવે ખાડાવાદ થઈ ગયું છે. અમદાવાદમાં ખાડા અને ભૂવાઓનું સામ્રાજ્ય જોવા મળી રહ્યું છે. સૈજપુર બોઘા વિસ્તારમાં મસમોટો ભૂવો પડ્યો છે. આમ તંત્રના પાપે અમદાવાદની સ્માર્ટસિટીની ઓળખ સામે ખતરો ઉભો થઇ રહ્યો છે.

સ્માર્ટ સિટી કહેવાતું અમદાવાદ પણ હવે ખાડાવાદ થઈ ગયું છે. અમદાવાદમાં ખાડા અને ભૂવાઓનું સામ્રાજ્ય જોવા મળી રહ્યું છે. સૈજપુર બોઘા વિસ્તારમાં મસમોટો ભૂવો પડ્યો છે. ડેપ્યુટી મેયર દિનેશ મકવાણાના વિસ્તારમાં આ ભૂવો પડ્યો છે.

20 દિવસ પહેલા પડેલો ભૂવો હજુ સુધી પુરવામાં આવ્યો નથી. જી.ડી હાઈસ્કૂલ રોડ પર 7 ફૂટ પહોળો અને 4 ફૂટ ઉંડો ભૂવો પડ્યો છે. તેમ છતાં ડેપ્યુટી મેયરને હજુ સુધી ભૂવો દેખાયો નથી. કે ન તો કોઈ સમારકામ કરવામાં આવ્યું. આ નેતાઓ હવે પોતાની જવાદારીથી પણ દૂર ભાગી રહ્યા છે.

અમદવાદ શહેરમાં તંત્રના પાપે શહેરની સ્માર્ટસિટીની ઓળખ સામે ખતરો ઉભો થયો હોય તેવું દેખાઇ રહ્યું છે. શહેરમાં પૂર્વ અને પશ્ચિમ વિસ્તારને જોડાતા માર્ગ પર કતારબદ્ધ 3 ભૂવા પડ્યાં છે. દાણીલીમડાથી નહેરૂનગર જવાના માર્ગ પર ત્રણ ભૂવા પડ્યાં છે. આમ અમદાવાદમાં ખાડાઓનું સામ્રાજય જોવા મળી રહ્યું છે જેનાથી વાહનચાલકોને પારાવાર પરેશાનીનો સામનો કરવો પડી રહ્યો છે.