- વનરક્ષક પરીક્ષામાં ગેરરીતિનો ઘટનાક્રમ
- પરીક્ષાનો સમય બપોરે 12થી 2 વાગ્યાનો હતો
- સુમિતને સવારે 9 વાગે શાળાના ધાબા પર બેસાડાયો હતો
રેન્જ IG અભય ચુડાસમાંએ જણાવ્યું હતું કે,રાજ્યમાં વન રક્ષક વર્ગ-3ની પરીક્ષામાં રવિવારે ગેરરીતિ સામે આવી હતી. મહેસાણાના ઉનાવા શ્રી નાગરિક મંડળ સેન્ટર પર નાગરિક મંડળના 10 વર્ષ જૂના લેટર પેડ પર પરીક્ષા શરૂ થાય તે અગાઉ પ્રશ્નપત્રના જવાબ ફરતા થયા હતા. જેમાં પરીક્ષામાં પાણી પીવા બહાર આવેલો 10 નંબરના બ્લોકનો વિદ્યાર્થી જવાબ સાથે રૂમમાં પ્રવેશ્યો હતો. રૂમમાં જવાબ સાથે આવતા સાથી ઉમેદવારે પરીક્ષાર્થીને પકડતા ભાંડો ફૂટ્યો છે.
વનરક્ષક પરીક્ષામાં ગેરરીતિનો ઘટનાક્રમ
- રાજયભરમાં રવિવારે વનરક્ષકની પરીક્ષા લેવાઈ હતી
- પરીક્ષાનો સમય બપોરે 12થી 2 વાગ્યાનો હતો
- મહેસાણાના ઊંઝા તાલુકાના ઉનાવા સેન્ટર પર ચાલુ પરીક્ષાએ ગેરરીતિ થઈ
- સુમિત ચૌધરીને સવારે 9 વાગે શાળાના ધાબા પર બેસાડાયો હતો
- સુમિતને પેપર સોલ્વ કરવાની જવાબદારી સોંપાઈ હતી
- રાજુ ચૌધરી નામનો શિક્ષક ગેરરીતિનો મુખ્ય આરોપી
- માયા ઉર્ફે મનીષા ચૌધરીને પાસ કરાવવા ષડયંત્ર રચ્યું હતું
- શાળાના પટ્ટાવાળાએ ગેરહાજર વિદ્યાર્થીના પેપરના ફોટો પાડ્યા હતા
- પટ્ટાવાળાએ ફોટો પાડીને રાજુ અને સુમિતને મોકલ્યા હતા
- પાણી પીવા આવેલો રવિ મકવાણા રાજૂને કોપી આપતા જોઈ ગયો હતો
- આરોપીઓએ રવિ મકવાણાને પણ જવાબ આપ્યા હતા
- માયા ચૌધરીને પાસ કરાવવા સુપરવાઈઝરે પણ મદદ કરી હતી
- રવિ મકવાણા પકડાઈ જતાં સમગ્ર ગેરરીતિનો પર્દાફાશ થયો
- રવિ પાસેથી શ્રી નાગરિક મંડળ ઉનાવા નામનું એક લેટર પેડ મળી આવ્યું હતું
- આ લેટરપેડમાં વનરક્ષકની પરીક્ષાના જવાબો લખેલા મળ્યા
- માયા ઉર્ફે મનીષા ચૌધરીએ જવાબ સાથે પેપર લખી નાખ્યું હતું
- હોબાળો થતાં પટ્ટાવાળાએ લેટરપેડ કાગળ સળગાવી દીધું હતું
મહેસાણા વનરક્ષ પેપર કાંડ મામલે મનિશા ચૌધરીના પિતાનો વીડિયો આવ્યો સામે
મહેસાણા ઉનાવા પેપર ગેરરીતિ મામલે કેસમાં આરોપી મનિશા ચોધરીના પિતાનો વીડિયો સામે આવ્યો છે. આ વીડિયોમાં મનિશાના પિતા જણાવ્યું હતું કે, મારી દિકરીને ખોટી રીતે આ કેસમાં સંડોવવામાં આવી છે.અમે એક સામાન્ય પરિવારના વ્યક્તિ છીએ અને ખેતી કરીને ગુજરાન ચલાવીએ છીએ, મારી દીકરી ખૂબ મહેનત કરી હતી.
8 શખ્સો સામે નોંધાઇ ફરિયાદ
સમગ્ર મામલે ઉનાવા પોલીસે 8 શખ્સો સામે ફરિયાદ નોંધી છે રાજુ ચૌધરી, સુમિત ચૌધરી, મૌલિક ચૌધરી સામે ફરિયાદ નોંધવામાં આવી. આ ઉપરાંત મનીષા ચૌધરી, જગદીશ ચૌધરી, ઘનશ્યામ પટેલ અને અલ્પેશ પટેલ તથા રવિ મકવાણા સામે ફરિયાદ નોંધાઇ છે.રાજુ, સુમિત, ઘનશ્યામ, અલ્પેશે સાથે મળીને કાવતરૂ રચ્યું હતું. પ્રશ્નપત્રના મોબાઇલથી ફોટા પાડી વોટ્સએપથી બહાર મોકલ્યું હતું. વળી પેપરના જવાબો તૈયાર કરીને પરીક્ષાર્થીઓને મોકલ્યા હતા. તેમજ જવાબ લખેલા કાગળો પણ સળગાવી દેવામાં આવ્યા હતા. પુરાવાનો નાશ કરી દેવા મામલે પણ ફરિયાદ દાખલ કરવામાં આવી હતી. સમગ્ર મામલે ઓબઝર્વર ડૉ.અંકિત પટેલે પોલીસ ફરિયાદ નોંધાવી
