ઘસારો / માઉન્ટ આબુના હાલના અદભૂત દ્રશ્યો જોઈને ગુજરાતીઓ પહોંચી ગયા હિલસ્ટેશન, જુઓ કેવો છે નજારો

• માઉન્ટ આબુ પર ખળખળ વહેતા ઝરણાનો નજરો
• પહાડો પરથી પડતું આ ઝરણાના મનમોહક દ્રશ્યો
• આબુ પર જાણે સ્વર્ગ ઉતાર્યું 

હિલસ્ટેશન માઉન્ટ આબુ પર પહાડ પરથી વહેતા ખળખળ ઝરણા મનમોહક લાગે છે. ઝરણું એટલી ઝડપે વહી રહ્યું છે કે જાણે આભ ફાટયું હોય. ભારે વરસાદ બાદ ભરાયેલા પાણી અને આ પાણીમાં  લોકો મજા માણી રહ્યા છે.  ગુજરાત બોર્ડર નજીક આવેલા રાજસ્થાનના હિલસ્ટેશન માઉન્ટ આબુમાં હાલ પ્રકૃતિ સોળે કળાએ ખિલી ઉઠી છે. માઉન્ટ આબુ ગુજરાતીઓ માટે પસંદગીનું સ્થળ છે. શનિ-રવિવારે અહીં મોટી સંખ્યામાં ગુજરાતીઓ આ વાતાવરણની મજા માણવા પહોંચી જાય છે.

પહાડોએ ઓઢેલી વૃક્ષોની લીલી ચાદર 
રાજસ્થાનના અનેક જિલ્લામાં હાલ ભારે વરસાદ પડી રહ્યો છે. ત્યારે માઉન્ટ આબૂ હિલસ્ટેશન પર પણ વરસાદ લોકોને આકર્ષી રહ્યો છે. ધોધમાર વરસાદમાં પણ લોકો માઉન્ટ આબૂમાં ભિંજાવાની મજા માણી રહ્યા છે. તો બીજી તરફ માઉન્ટ આબુ પહાડ પરથી અનેક ઝરણાઓ સક્રીય થયા છે. વાદળો જાણે પહાડો સાથે વાતો કરતા હોય તેવા મનમોહક દ્રશ્ય માઉન્ટ આબૂમાં સર્જાયા છે. એટલું જ નહીં સહેલાણીઓને પણ વાદળો ભિંજવી દે તેવા દ્રશ્ય કેમેરામાં કેદ થયા છે. 

માઉન્ટ આબૂના બજારોમાં પણ ખરીદી માટે ભારે ભીડ
માઉન્ટ આબૂમાં આ કુદરતી નજારાનો લ્હાવો લેવા માટે મોટી સંખ્યામાં ગુજરાતથી પ્રવાસીઓ ઉમટી પડયા છે. સાથે જ માઉન્ટ આબૂના બજારોમાં પણ ખરીદી માટે ભારે ભીડ જોવા મળી રહી છે. માઉન્ટ આબૂના આ દ્રશ્યો હવે અનેક સહેલાણીઓને પોતાની તરફ આકર્ષી રહ્યા છે.