સરકારી યોજના / 300 યુનિટ મફત વિજળીની સ્કીમનો લાભ લેવા SBI આપશે લોન, જાણો તમામ વિગતો

કેન્દ્ર સરકારે PM સૂર્ય ઘર મફત વીજળી યોજના (PM Surya Ghar Muft Bijli Yojana) હેઠળ 300 યુનિટ મફત વીજળીનો લાભ આપવાનું શરૂ કર્યું છે. આ યોજના હેઠળ કોઈપણ ભારતીય નાગરિક તેનો લાભ લઈ શકે છે. જો કે, આ માટે અરજદારના ઘરની છત પર સોલાર પેનલ લગાવવા માટે પૂરતી જગ્યા હોવી જરૂરી છે. સરકાર PM સૂર્ય ઘર યોજના (PM Surya Ghar Yojana) હેઠળ સબસિડી પણ આપી રહી છે, પરંતુ તે પહેલાં અરજદારે સોલાર રૂફ ટોપ ઇન્સ્ટોલ કરવું જરૂરી છે.

સોલાર રૂફ ટોપ લગાવવા માટે લાખો રૂપિયાનો ખર્ચ થઈ શકે છે. કિલોવોટના હિસાબે સોલાર રૂફટોપ (Solar Rooftop Installation) લગાવવાનો ખર્ચ વધતો જશે અને આ ગણતરીના આધારે જ સરકાર તરફથી સબસિડી આપવામાં આવશે. આ યોજના હેઠળ, ઓછામાં ઓછી 30,000 રૂપિયાની સબસિડી આપવામાં આવશે. આવી સ્થિતિમાં તમારે તમારા ખિસ્સામાંથી હજારો રૂપિયા ખર્ચવા પડી શકે છે.

SBI આપી રહી છે લોન 

જો તમે પણ સરકારની આ યોજનાનો લાભ લેવા માગો છો, પરંતુ તમારી પાસે તમારા ઘરની છત પર સોલર રૂફટોપ લગાવવા માટે પૈસા નથી, તો દેશની સૌથી મોટી જાહેર ક્ષેત્રની બેંક SBIએ આ યોજના હેઠળ લોન યોજનાની શરૂઆત કરી છે. તમે પીએમ સૂર્ય ઘર યોજના (PM Surya Ghar Yojana) હેઠળ બેંકમાંથી લોન લઈ શકો છો. ચાલો જાણીએ કે આ લોનની રકમ કોને મળશે અને વ્યાજ દર શું હશે?

લઘુત્તમ આવક કેટલી હોવી જોઈએ?

3KW ક્ષમતા સુધી સોલાર રૂફ ટોપ ઇન્સ્ટોલ (Solar Rooftop Installation) કરવા માટે આવકનો કોઈ માપદંડ નથી, પરંતુ 3KW થી વધુ અને 10KW સુધીની ક્ષમતા માટે લોન મેળવવા માટે ચોખ્ખી વાર્ષિક આવક રૂપિયા 3 લાખ અને તેનાથી વધુ હોવી જોઈએ.

વધુ વાંચો: તમારી દીકરીને આ સરકારી યોજનામાં મળશે 70 લાખ રૂપિયા, જાણો કેવી રીતે કરવું રોકાણ

કેટલી લોન લઈ શકો છો અને વ્યાજ કેટલું હશે?

3KW ક્ષમતાનું સોલર રૂફટોપ ઇન્સ્ટોલ કરવા માટે, તમે 2,00,000 રૂપિયા સુધીની લોન લઈ શકો છો અને તેનો વ્યાજ દર વાર્ષિક 7 ટકા છે. જ્યારે 3KW થી વધુ અને 10KW સુધીની ક્ષમતા માટે 6 લાખ રૂપિયા સુધીની લોન લઈ શકાય છે, જેનો વ્યાજ દર વાર્ષિક 10.15% હશે. 65 થી 70 વર્ષની વયના લોકો પણ આ લોન લઈ શકે છે. આ હેઠળ કોઈ પ્રોસેસિંગ ફી લેવામાં આવશે નહીં.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો