જ્યોતિષ શાસ્ત્ર / શ્રાવણમાં ભક્તિમાં ન કરવી જોઈએ આ ભૂલ, શિવલિંગ પર ક્યારેય ન ચડાવવી જોઈએ આ વસ્તુ, જીવનમાં છવાઈ જશે દરિદ્રતા

• ભગવાન શિવની પૂજામાં હળદરનો ઉપયોગ ન કરવો જોઈએ.
• ભોળાનાથની પૂજામાં તુલસીનો ઉપયોગ થતો નથી
• ભગવાન શિવની પૂજામાં શંખનો ઉપયોગ કરવામાં આવતો નથી.

sawan 2023: શ્રાવણ સમાપ્ત થવામાં હવે ગણતરીના દિવસો બાકી છે. અને શ્રાવણનો છેલ્લો સોમવાર 28 ઓગસ્ટે છે. ઉલ્લેખનીય છે કે, શાસ્ત્રોમાં શ્રાવણ સોમવારનું વિશેષ મહત્વ છે. આ દિવસે ભગવાન શિવની પૂજા કરવાથી દરેક મનોકામના પૂર્ણ થાય છે. એટલા માટે લોકો પોતાની રીતે પૂજા કરીને ભગવાન શિવને પ્રસન્ન કરે છે. પરંતુ શું તમે જાણો છો કે, કેટલીક વસ્તુઓ ચઢાવવાથી ભગવાન શિવ ક્રોધિત થઈ શકે છે અને તમારા જીવનમાં દરિદ્રતા આવી શકે છે. આવો જાણીએ શું છે આ વસ્તુઓ...

હળદરનો પ્રયોગ
ભગવાન શિવની પૂજામાં હળદરનો ઉપયોગ ન કરવો જોઈએ. આવું કરવાથી ભગવાન શિવ ક્રોધિત થઈ શકે છે. કારણ કે હળદર એ સ્ત્રીઓ સાથે જોડાયેલી વસ્તુ છે અને શિવલિંગને પુરૂષ તત્વ માનવામાં આવે છે. એટલા માટે શિવલિંગ પર હળદર ચઢાવવાનું ટાળવું જોઈએ.

તુલસી અર્પણ ના કરો 
જો કે, દરેક ભગવાનને ભોજન અર્પણ કરતી વખતે તુલસીના પાનનો ઉપયોગ કરવામાં આવે છે. પરંતુ ભોળાનાથની પૂજામાં તુલસીનો ઉપયોગ થતો નથી. કારણ કે શાસ્ત્રો અનુસાર, ભગવાન શિવે તુલસીના પતિ અસુર જલંધરનો વધ કર્યો હતો, જેના કારણે તુલસીએ પોતે ગુસ્સે થઈને ભગવાન શિવની પૂજાનો ઇનકાર કર્યો હતો. તેથી, જો તમે ભગવાન શિવની પૂજામાં તુલસીનો ઉપયોગ કરો છો, તો તમને પૂજાનું ફળ નહીં મળે.

ના ચઢાવો આ ફૂલ
શિવલિંગ પર લાલ રંગના ફૂલ, કેતકી અને કેવડાનું ફૂલ ક્યારેય ન ચઢાવવું જોઈએ. આમ કરવાથી ભોળાનાથને ગુસ્સો આવી શકે છે.

શંખથી ના કરો જળ અર્પણ
શિવલિંગનો અભિષેક કરતી વખતે અથવા ભગવાન શિવની પૂજા કરતી વખતે શંખનો ઉપયોગ ન કરવો જોઈએ. કારણ કે એકવાર જ્યારે બધા દેવતાઓ શંખચૂડ રાક્ષસથી પરેશાન હતા, ત્યારે ભગવાન શિવે પોતાના ત્રિશુલ વડે શંખચૂડનો વધ કર્યો, જેના કારણે તેમનું શરીર ભસ્મ થઈ ગયું અને તે ભસ્મમાંથી શંખનો જન્મ થયો. એટલા માટે ભગવાન શિવની પૂજામાં શંખનો ઉપયોગ કરવામાં આવતો નથી.

નારિયેળ પાણી અને મૌલીનો ઉપયોગ ના કરો
ભગવાન શિવનો અભિષેક કરતી વખતે નારિયેળ પાણીનો ઉપયોગ ન કરવો જોઈએ. આ સાથે ભોળાનાથની પૂજામાં મૌલી અને કુમકુમનો ઉપયોગ ન કરવો જોઈએ. કારણ કે મૌલીમાં સ્ત્રી તત્વ હોય છે, જેના કારણે મહિલાઓ પતિના લાંબા આયુષ્ય અને સ્વસ્થ જીવનની માંગણી કરે છે, પરંતુ આ વસ્તુઓથી શિવલિંગની પૂજા ન કરવી જોઈએ. બીજી તરફ જો તમે તેનો ઉપયોગ ભગવાન શિવની પૂજામાં કરશો તો ભોળાનાથને ગુસ્સો આવી શકે છે.