કોરોના વાયરસ / સુરતમાં 1 અને સૌરાષ્ટ્રમાં 3 કોરોનાના પોઝિટિવ કેસ, રાજ્યમાં આંકડો 63 પર પહોંચ્યો

Hiren

Last Updated: 08:49 PM, 29 March 2020

FOLLOW ON

શેર કરો

દેશમાં કોરોનાનો કહેર ચાલી રહ્યો છે. દરરોજ નવા દર્દીઓની સંખ્યામાં વધારો થઇ રહ્યો છે. દેશના અંદાજિત દરેક રાજ્યમાંથી દર્દીઓ સામે આવી રહ્યા છે. અત્યાર સુધીમાં દેશમાં કુલ કોરોના પોઝિટિવ દર્દીઓની સંખ્યા 1000ને પાર થઇ ચૂકી છે. જ્યારે મૃતકોની સંખ્યા 27 સુધી પહોંચી છે. જ્યારે ગુજરાતમાં કોરોના પોઝિટિવ કેસની સંખ્યા 64 થઇ છે. જ્યારે મૃતકોની સંખ્યા 5 થઇ છે.

ગુજરાતમાં કોરોનાના કુલ 64 પોઝિટિવ કેસ
કોરોનાથી અત્યાર સુધીમાં 5 લોકોના મોત
એક જ દિવસમાં સૌરાષ્ટ્રના 3 કેસ નોંધાયા

રાજ્યમાં 24 કલાકમાં કુલ 5 કેસ પોઝિટિવ કેસ નોંધાયા છે. આજે અમદાવાદ બાદ ગીર સોમનાથ, રાજકોટ, પોરબંદર અને સુરતમાં 1-1 કોરોનાના પોઝિટિવ કેસ સામે આવ્યા છે. અમદાવાદ શહેરમાં કોરોનાના પોઝિટિવ કેસની સંખ્યા 22 થઈ છે. ગુજરાતમાં અત્યાર સુધી કોરોનાના કુલ 64 કેસ થઇ છે.

સુરતમાં કોરોનાના કુલ 8 કેસ થયા

રાજ્યમાં અમદાવાદ બાદ વધુ ચાર કોરોના વાયરસના પોઝિટિવ કેસ નોંધાયા છે. સુરતમાં 26 વર્ષીય યુવકનો કોરોનાનો રિપોર્ટ પોઝિટિવ સામે આવ્યો છે. અન્ય 5ના રિપોર્ટ નેગેટિવ છે. જેમાંથી એકનું મોત નિપજ્યું છે. યુવક 21મી UAEથી ભારત આવ્યો હતો. સુરત સમરસ હોસ્ટેલમાં કોરોન્ટાઈનમાં હતો. લક્ષણો દેખાતા 28મીએ આઇસોલેશનમાં મુકાયો હતો. અત્યાર સુધી 81 દર્દી કોરોનાના લક્ષણ સાથે નોંધાયા છે. 81 પૈકી 71 ના રિપોર્ટ નેગેટિવ આવ્યા છે. સુરતના ત્રણ રિપોર્ટ પેન્ડિંગ છે. સુરતમાં અત્યાર સુધીમાં કુલ 8 કેસ નોંધાયા છે.

એકજ દિવસમાં સૌરાષ્ટ્રમાં કોરોનાના 3 પોઝિટીવ કેસ

પોરબંદર, ગીર સોમનાથ અને રાજકોટમાં એક-એક પોઝિટિવ કેસ નોંધાયો છે. પોરબંદરમાં 48 વર્ષીય મહિલાનો કેસ પોઝિટિવ આવ્યો છે. આ પોરબંદર જિલ્લામાં પ્રથમ કેસ છે. રાજકોટ(ગ્રામ્ય)ના મુંજામાં ફ્રાન્સમાંથી આવેલા 36 વર્ષીય યુવકનો કોરોનાનો પોઝિટિવ કેસ નોંધાયો છે. રાજકોટમાં કોરોનાના કુલ 9 પોઝિટિવ કેસ થયા છે. રાજ્યમાં અત્યાર સુધીમાં 64 કોરોનાના કેસ નોંધાયા છે.

ગાંધીનગરમાં વધુ એક કોરોનાનો પોઝિટિવ કેસ

ગાંધીનગરમાં પણ વધુ એક કોરોનાનો પોઝિટીવ કેસ નોંધાયો છે. જેથી ગાંધીનગરમાં કોરોનાના પોઝીટીવ કેસની સંખ્યા 10 પહોંચી છે.

સંકળાયેલા મુદ્દાઓ

Coronavirus coronavirus in Gujarat gujarat કોરોના વાયરસ ગુજરાત coronavirus