વિશ્વ / સાઉદી અરેબિયામાં 12 લોકોનું તલવારથી માથું કાપીને અપાઈ મોતની સજા, જાણો શું કર્યો ગુનો

• 12 લોકોનાં માથાં ધડથી કર્યા અલગ
• નશીલી દવાઓ સંબંધિત અપરાધમાં ફટકારી સજા
• આ પહેલાં 81 લોકોને ફટકારી છે મોતની સજા

સાઉજી અરબ પોતાની કડક અને ભયાનક સજા માટે વિશ્વમાં જાણીતું છે. ત્યાંનાં નિયમો ખુબ જ કઠીન છે અને ચુસ્તપણે પાલન કરવામાં આવે છે.  હાલમાં સાઉદી અરબે નશીલી દવાઓ સંબંધિત અપરાધો માટે છેલ્લાં 10 દિવસોમાં 12 લોકોને મૃત્યુદંડની સજા ફટકારી છે. એક રિપોર્ટ અનુસાર તેમાંથી કેટલાકનાં તો માથાં ધડથી અલગ કરી દીધેલ છે.

Saudi Arabia executed 12 people in 10 days, bringing the total number of executions in the kingdom this year to at least 132.

According to the NGO Reprieve, those executed were imprisoned for non-violent drug offenses. Most were beheaded with a sword. pic.twitter.com/2u1mlQ6Ns4

— Zulfikar Ali (@ZulfikarAli514) November 22, 2022

12 લોકોને મૃત્યુદંડની સજા
એક રિપોર્ટ અનુસાર નશીલી દવાઓ સાથે સંબંધિત આરોપોમાં પકડાઇ ગયાં બાદ 12 જેટલા લોકોને મૃત્યુદંડની સજા ફટકારવામાં આવી છે. તેમાંથી 3 પાકિસ્તાની નાગરિક, 4 સીરિયાઇ, 2 જોર્ડન અને 3 સાઉદી અરબનાં લોકો છે. આ પહેલા આ જ વર્ષે માર્ચમાં સાઉદી અરબ સરકારે અલગ-અલગ અપરાધો કરેલ 81 લોકોને મૃત્યુદંડ આપ્યો હતો. 

2018માં સજાને ઘટાડવાનો કર્યો હતો નિર્ણય
વર્ષ 2018માં સાઉદી અરબે પોતાના દેશમાં આ પ્રકારની કઠોર સજાને ઘટાડવાનો નિર્ણય કર્યો હતો . સરકારના નિર્ણય બાદ ચર્ચા કરવામાં આવી હતી કે મોટા અપરાધો કે જેને માફ નહીં કરી શકાય તેના પર જ મોતની સજા સંભળાવવામાં આવશે. જેના પર કોઇની હત્યા કે પછી મારપીટનો આરોપ મુકવામાં આવ્યો હોય તેને મૃત્યુદંડ મળી શકે છે. 

2022માં 132 લોકોને મોતની સજા
રિપોર્ટ અનુસાર સાઉદી અરબમાં આ વર્ષે 2022માં અત્યારસુધી 132 લોકોને મોતની સજા સંભળાવવીમાં આવી છે. ચોંકાવનારી વાત તો એ છે કે જ્યારથી સાઉદી અરબમાં સજા ઓછી કરવાનાં મુદે ચર્ચા થઇ રહી છે ત્યારથી મૃત્યુદંડની સજાનાં આંકડાઓમાં વધારો જોવા મળ્યો છે.