બોટાદ / શું વાત છે.! દર મહિનાની ચોથના દિવસે ફ્રીમાં સમોસા, બોટાદના દુકાનદારે શરૂ કરી સમોસા પ્રસાદી, લોકોને દાઢે વળગી

• બોટાદમાં સુરેન્દ્રનગરના પ્રખ્યાત સમોસાના માલિકને ગણપતિ દાદા પર અનોખી શ્રદ્ધા
• દર મહિનાની ચોથના દિવસે પ્રસાદીરૂપે સમોસાનું વિતરણ
• 12 હજાર નંગ સમોસાનું પ્રસાદીરૂપે વિતરણ

બોટાદમાં એક એવી ફરસાણની દુકાન આવેલી છે. જેમાં મહિનાના ચોથના દિવસે ફ્રીમાં સમોસાનું વિતરણ કરવામાં આવે છે. ગણપતિ દાદા પર અખૂટ શ્રદ્ધા ધરાવતા દુકાનના માલિક આ સમોસા પ્રસાદીરૂપે વેંચે છે. દર મહિનાની ચોથના દિવસે 12 હજાર નંગ સમોસા ગણપતિ બાપાને પ્રસાદરૂપે વેંચાઈ જાય છે. 

ભગવાન ગજાનનની પ્રસાદ રૂપે ફ્રીમાં સમોસા 
સુરેન્દ્રનગર સમોસાના માલિક અને વર્ષોથી બોટાદમાં ફરસાણના વ્યવસાય કરતા વેપારી મુકેશભાઈ નગીનદાસને ગણપતિ બાપા પર અખૂટ શ્રદ્ધા અને આસ્થા છે.  મુકેશભાઈ ને દર મહિનાની ચોથ ના દિવસે બપોર પછી સમોસા, ચટણી સાથે ભગવાન ગજાનનની પ્રસાદ રૂપે ફ્રીમાં પીરસી રહ્યા છે. એક ચોથના દિવસે જ 12 હજાર નંગ સમોસા બોટાદવાસીઓ પ્રસાદ રૂપી આરોગે છે. જેનો પ્રસાદ રૂપી આરોગનારા લોકો પણ ગણપતિ ભક્તની ભાવનાની વાહ વાહ કરી રહ્યા છે. 

શ્રધ્ધા હોય તા પુરાવાની જરૂર  હોતી નથી

ગણપતિ દાદાની દયા અને ભાવથી તેઓનો ધંધો રોજગાર ધમધોકાર ચાલે છે. આભાર વ્યક્ત કરતા દુકાનદાર મુકેશભાઈ નગીનદાસ પણ આ ગણપતિ બાપાની અસીમ કૃપા જણાવે છે.એટલે જ કહેવાય છે કે જ્યા શ્રધ્ધા હોય તા પુરાવાની જરૂર  હોતી નથી. આ વાતને તેઓ સાર્થક કરે છે.