- વર્લ્ડ કપમાં ભારતની શાનદાર શરૂઆત
- રોહિત શર્માને લઇ રિકી પોન્ટિંગનું મોટું નિવેદન
- ‘રોહિત શર્મા ભારતને બીજી વાર વર્લ્ડ કપ અપાવી શકે છે’
ઓસ્ટ્રેલિયાના ક્રિકેટર રિકી પોંટિંગ અનુસાર કેપ્ટન રોહિત શર્મા ભારતને બીજી વાર વર્લ્ડ કપ અપાવી શકે છે. ભારતે સતત ત્રણ શાનદાર જીતની સાથે વર્લ્ડ કપની શાનદાર શરૂઆત કરી છે. પહેલી મેચમાં ભારતે ઓસ્ટ્રેલિયાને 6 વિકેટથી, અફઘાનિસ્તાનને 8 વિકેટથી અને પાકિસ્તાનને 7 વિકેટથી હરાવ્યું હતું.
રિકી પોંટિંગે ICCને જણાવ્યું કે, ‘રોહિત શર્મા ચિંતારહિત છે, વિચલિત થતા નથી. તેઓ એક શાનદાર બેટ્સમેન છે, મેદાનમાં અને મેદાનની બહાર નિશ્ચિંત જોવા મળે છે. રોહિત ડિસેમ્બર 2021માં વિરાટ કોહલીની જગ્યાએ ભારતીય ટીમના કેપ્ટન બન્યા હતા. રોહિતની કેપ્ટનશીપમાં વિરાટ પોતાની બેટીંગ પર ફોકસ કરી શકે છે.’
રિકી પોંટિંગ જણાવે છે કે, ‘વિરાટ ખૂબ જ ઈમોશનલ ખેલાડી છે. તેઓ ફેન્સની વાત સાંભળે છે અને જવાબ આપે છે. તેમના જેવા વ્યક્તિ માટે આ કામ થોડુ કઠિન છે. રોહિતને કોઈ પ્રકારની પરેશાની નહીં થાય, તેઓ એક શાનદાર ખેલાડી છે અને શાનદાર કેપ્ટનશીપ કરે છે.’ ભારતે વર્ષ 2011માં શ્રીલંકાને હરાવીને ભારતમાં જ વર્લ્ડ કપ જીત્યો હતો.
રિકી પોંટિંગે જણાવ્યું છે કે, ‘પોતાના જ દેશમાં રમતનું શાનદાર પ્રદર્શન કરવા માટેનું પ્રેશર હોય છે. રોહિત આ પરિસ્થિતિનો સામનો કરવા માટે સક્ષમ છે. ભારત પાસે ખૂબ જ પ્રતિભાશાળી ટીમ છે. દર્શકોને તેમની ફાસ્ટ બોલિંગ, સ્પિન, ટોપ સ્કોરની આશા રહેશે. ભારતીય ટીમને હરાવવી ખૂબ જ કઠિન રહેશે.’
