કોરોના વાયરસ / ટીમ ઈન્ડિયાના દિગ્ગજ ક્રિકેટરને કૉરોન્ટાઇન કરવામાં આવ્યો, જર્મનીથી થયો હતો પરત

Parth

Last Updated: 06:50 PM, 17 March 2020

FOLLOW ON

શેર કરો

કોરોના વાયરસનાં કારણે વિશ્વમાં હાહાકાર મચ્યો છે ત્યારે વિદેશથી પરત ફરી રહેલા ભારતીયોને તકેદારી રૂપે કૉરોન્ટાઈન કરવામાં આવી રહ્યા છે. આ જ કડીમાં જર્મનીથી ફરી રહેલા શિખર ધવનને પણ દિલ્હીની નજીક કૉરોન્ટાઈન કરવામાં આવ્યા છે. ભારતીય ક્રિકેટનાં ગબ્બર અને શાનદાર બેટ્સમેન શિખર ધવન જર્મની પ્રવાસથી ભારત પરત ફર્યા છે. જર્મનીમાં કોરોના વાયરસનો ખતરો ખૂબ વધારે છે જ્યાં અત્યાર સુધી 17 લોકોનાં કોરોના વાયરસનાં પગલે થયા છે. જર્મનીથી પરત આવેલા શિખર ધવનને આઈસોલેશન વૉર્ડમાં રાખવામાં આવ્યા છે.

દિલ્હી એરપોર્ટ નજીક શિખર ધવનને દેખરેખ હેઠળ રાખવામાં આવ્યા
શિખરે સરકારનાં કર્યા વખાણ
કૉરોન્ટાઈન યુનિટમાં આપવામાં આવતી સુવિધાઓની આપી માહિતી

ભારત સરકાર દ્વારા શિખર ધવનને દિલ્હી એરપોર્ટની પાસેનાં કૉરોન્ટાઇન યુનિટમાં રાખવામાં આવ્યા છે. અન્ય લોકોની જેમ જ શિખર ધવનને હાલ દેખરેખ હેઠળ રાખવામાં આવ્યા છે. કૉરોન્ટાઈન યુનિટમાં આવ્યા બાદ શિખર ધવને રૂમમાં આપવમાં આવતી સુવિધાઓનો એક વીડિયો બનાવીને શેર કર્યો છે. શિખર ધવને આ વીડિયો મારફતે લોકોને સંદેશ આપવાનો પ્રયત્ન કર્યો છે કે સરકાર દ્વારા ખૂબ સારી સુવિધાઓ આપવામાં આવી છે.

ફેસબુકમાં શેર કરેલ વીડિયોમાં શિખર ધવને કહ્યું લે દિલ્હી એરપોર્ટથી આશરે 70 કિમી દૂર કૉરોન્ટાઇન યુનિટમાં બધા જ યાત્રીઓને રાખવામાં આવ્યા છે અને આખી ઈમારતને સેનેટાઈઝરથી શુદ્ધ કરવામાં આવી રહી છે. દિલ્હીનાં ઉચ્ચ અધિકારીઓ અહી ઉપસ્થિત છે સાથે દિલ્હીની પોલીસ સુરક્ષા કરી રહી છે.

શિખર ધવને જણાવ્યું કે 24 કલાક સુધી અમને દેખરેખ હેઠળ રાખવામાં આવ્યા છે. રૂમમાં પાણી, ચંપલ, ગરમ પાણી, રૂમાલથી લઈને દરેક સુવિધાઓ આપવામાં આવી રહી છે. સરકાર દ્વારા આપવામાં આવતું ભોજન પણ ખૂબ સ્વાદિષ્ટ છે. શિખર ધવને પીએમ મોદી અને હેલ્થ મંત્રીનો આભાર માન્યો છે. ધવને કહ્યું કે સરકાર દ્વારા આપવામાં આવેલ સુવિધા ખૂબ સારી છે. આવી સુવિધા તો જર્મનીમાં પણ નથી.