Raksha Bandhan 2020 / જાણો કોરોનામાં કેવી રીતે મનાવશો રક્ષાબંધન, ખાસ સંયોગ સાથે આ છે શુભ મૂહૂર્ત

• 3 ઓગસ્ટ 2020ના રોજ ઉજવાશે રક્ષાબંધન
• પૂનમ, શ્રાવણનો સોમવાર અને ખાસ સંયોગ બનાવશે દિવસને ખાસ
• જાણી લો રક્ષાબંધનના 3 શુભ મૂહૂર્ત

આ છે રક્ષાબંધનના શુભ મૂહૂર્ત

રાખડી બાંધવા માટે સમય ભદ્રા હોવો જોઈએ નહીં. કહેવાય છે કે રાવણની બહેને તેને ભદ્રકાળમાં રાખડી બાંધી હતી. આ માટે રાવણનો વિનાશ થયો. 3 ઓગસ્ટે ભદ્રા સવારે 9.29 મિનિટ સુધી છે. રક્ષાબંધન 9.30થી શરૂ થશે અને બપોરે 1.35થી 4.35 સુધી શ્રેષ્ઠ મૂહૂર્ત છે. આ પછી સાંજે 7.30થી 9.30 સુધી શ્રેષ્ઠ મૂહૂર્ત છે. 

રક્ષાબંધનના દિવસે યોજાશે મહાસંયોગ

રક્ષાબંધનના દિવસે ખૂબ જ સારા નક્ષત્રોનો સંયોગ બની રહ્યો છે. આ દિવસે સર્વાર્થ સિદ્ધિ યોગ બનવા જઈ રહ્યો છે. જેમાં દરેક મનોકામનાઓ પૂર્ણ થશે અને સાથે આ દિવસે આયુષ્માન દીર્ઘાયુ યોગ છે. જેમાં ભાઈ બહેન બંનેની ઉંમર વધશે. 3 ઓગસ્ટે ચંદ્રનો શ્રવણ નક્ષત્ર છે. મકર રાશિનો સ્વામી શનિ અને સૂર્ય એકમેકમાં સમસપ્તક યોગ બનાવી રહ્યા છે. શનિ અને સૂર્ય બને ઉંમર વધારે છે. આ સંયોગ 29 વર્ષ બાદ આવ્યો છે. 

દૂર રહીને કેવી રીતે મનાવશો રક્ષાબંધન

આ વર્ષે કોરોના વાયરસના કારણે અનેક ભાઈ બહેન રક્ષાબંધનના તહેવારે મળશે નહીં. ભાઈ બહેન અલગ રહીને પણ આ તહેવાર મનાવી શકે છે. બહેન વીડિયો કોલ કરીને ભાઈને જોઈને ભગવાન શ્રીકૃષ્ણની સામે રાખડી મૂકી શકે છે અને તેમને ભાઈ માનીને રક્ષાબંધન મનાવી શકે છે. તેનાથી પણ પુણ્ય મળી શકે છે. ભાઈ ઓનલાઈન વીડિયો કોલ પર બહેનને આર્શીવાદ આપે. બહેન ભગવાન કૃષ્ણની સામે ભોજનનો ભોગ લગાવીને ભાઈને બતાવે, આ યોગમાં દરેક 12 રાશિઓનું સારું જ થશે. આ દિવસે તમે જે મનોકામના સાથે ભગવાન શ્રી કૃષ્ણ પાસે જશો અને રાખડીનો તહેવાર મનાવશો તે તમામ પૂર્ણ થશે.