દુર્ઘટના / ભારત-પાક. આંતરરાષ્ટ્રીય સીમા નજીક બાડમેરના બાખાસરમાં જોરદાર બ્લાસ્ટ, સુરક્ષા એજન્સીઓ સતર્ક

• ભારત-પાક. આંતરરાષ્ટ્રીય સીમા નજીક જોરદાર બ્લાસ્ટ
• તમામ સુરક્ષા એજન્સીઓ થઇ ગઇ સતર્ક
• બ્લાસ્ટ પાછળનું સચોટ કારણ સામે નથી આવ્યું

મીડિયા રિપોર્ટ્સ અનુસાર, અચાનક મોડી રાત્રિના સમયે આ બ્લાસ્ટ થયેલો દેખાયો હતો. મહત્વનું છે કે, સ્થાનીય લોકોએ આ બ્લાસ્ટની પુષ્ટિ કરી છે પરંતુ હજુ સુધી તેનું કોઇ સચોટ કારણ સામે નથી આવ્યું.

મળતી જાણકારી અનુસાર, BSF અને સ્થાનીય પોલીસે બ્લાસ્ટની પુષ્ટિ કરી છે. જો કે, આ બ્લાસ્ટથી કોઇ પણ પ્રકારનું નુકસાન થયાનો ઇનકાર કરવામાં આવ્યો છે. બ્લાસ્ટને લઇને સીમાવર્તી ક્ષેત્રના તમામ સ્ટેશનોને હાઇ એલર્ટ કરી દેવામાં આવ્યા છે. સાથે લોકોને શાંત રહેવાની પણ અપીલ કરવામાં આવી છે. સુરક્ષા એજન્સીઓ, BSF અને સ્થાનીય પોલીસ આ બ્લાસ્ટની તપાસમાં જોડાયેલ છે. મીડિયા રિપોર્ટ્સ અનુસાર, બાખાસર પોલીસ સ્ટેશન કમલેશ ગેહલોતે પણ આ બ્લાસ્ટની પુષ્ટિ કરી છે અને હાલમાં આ મામલે વધુ તપાસ પણ હાથ ધરવામાં આવી છે.

ઇનોવા કારમાંથી મળ્યો 448 કિલો ડોડા પોસ્ત

બીજી બાજુ જાલોરની ચિતલવાના પોલીસે સોમવારના નાકાબંધી કરીને ડોડા પોસ્તનું એક મોટું કન્સાઈનમેન્ટ ઝડપાયું છે. આ દરમ્યાન ઇનોવા કાર સવાર તસ્કર ધર્મા રામ ઉર્ફે ધર્મેન્દ્ર જાટ પુત્ર હરજી રામ (29) નિવાસી બાડમેરની ધરપકડ કરી લીધી છે. ઇનોવા કારમાંથી 447.650 કિલો ગ્રામ ડોડા પોસ્ત જપ્ત કરવામાં આવ્યું છે. ધરપકડ કરાયેલ આરોપી પાસેથી ડોડા પોસ્ત ખરીદ-વેચાણ અંગે પૂછપરછ કરવામાં આવી રહી છે.