રાજનીતિ / રાહુલ ગાંધી ફરી સંભાળશે કોંગ્રેસનું 'અધ્યક્ષ' પદ? દિલ્હી પ્રદેશ કોંગ્રેસે પસાર કર્યો આ પ્રસ્તાવ

Kavan

Last Updated: 07:24 PM, 31 January 2021

FOLLOW ON

શેર કરો

રાહુલ ગાંધીના પાર્ટીના અધ્યક્ષ બનવાના એંધાણ છે. આજે દિલ્હી પ્રદેશ કોંગ્રેસે રાહુલ ગાંધીને તાત્કાલિક અસરથી પાર્ટીના અધ્યક્ષ બનાવવાનો પ્રસ્તાવ પસાર કર્યો છે.

દિલ્હી કોંગ્રેસે રાહુલ ગાંધીએ પાર્ટી અધ્યક્ષ બનાવવા માટે તાત્કાલિ અસરથી એક પ્રસ્તાવ પસાર કર્યો છે. દિલ્હી કોંગ્રેસ પ્રદેશ અધ્યક્ષ અનિલ ચૌધરીએ કહ્યું હતું કે, દેશ મુશ્કેલ સમયમાંથી પસાર થઇ રહ્યો છે, તેવા સમયમાં દેશહિતમાં ધ્યાનમાં રાખતા રાહુલ ગાંધીને તાત્કાલિક અસરથી કોંગ્રેસના અધ્યક્ષ બનાવવામાં આવે.

આ બેઠકમાં સર્વસમ્મતિથી ત્રણ પ્રસ્તાવ પસાર કરવામાં આવ્યા છે. જેમાં રાહુલ ગાંધીને ભારતીય રાષ્ટ્રીય કોંગ્રેસના અધ્યક્ષના રૂપમાં કાર્ય કરવા અને કેન્દ્રીય ગૃહ મંત્રી અમિત શાહ અને દિલ્હીના મુખ્યમંત્રી અરવિંદ કેજરીવાલની નિષ્ફળતાઓ પર રાજીનામું આપવાનો અનુરોધ કર્યો.

સોનિયા ગાંધી હાલ કાર્યકારી સભ્ય

કોંગ્રેસ કાર્યકારી સમિતિની બેઠકમાં નિર્ણય લેવામાં આવ્યો છે કે સોનિયા ગાંધી હાલના સમયમાં પાર્ટીના અંતરિમ અધ્યક્ષ તરીકે યથાવત્ રહેશે. CWCએ આ નિર્ણય પર સંમતિ આપી છે કે સોનિયા ગાંધી પક્ષના અંતિરમ અધ્યક્ષની જવાબદારી બીજા વર્ષ સુધી નિભાવશે.

આંતરિક વિવાદ ટાળવા લેવાયો નિર્ણય

ઉલ્લેખનીય છે કે એક બાજુ સોનિયા ગાંધી આ પદ પર રહેવા માંગતા નથી જ્યારે બીજી બાજુ રાહુલ ગાંધી અધ્યક્ષ બનવા રાજી નથી. આવામાં પક્ષમાં એક એવો વર્ગ છે જે રાહુલ ગાંધીને અધ્યક્ષ તરીકે જ જોવા માંગે છે. આવામાં અંદરોઅંદર કોઈ નિર્ણય પર ન પહોંચેલી કોંગ્રેસે હાલમાં સોનિયા ગાંધીને જ અંતરિમ અધ્યક્ષ તરીકે ચાલુ રાખવાનો નિર્ણય કર્યો છે.

સંકળાયેલા મુદ્દાઓ

congress rahul gandhi કોંગ્રેસ રાહુલ ગાંધી congress