દિવાળી 2023 / આજે અને કાલે, બે દિવસ પુષ્યનક્ષત્ર: ખરીદી માટે સૌથી બેસ્ટ દિવસ, તમારી રાશિ અનુસાર જાણો કઈ વાસ્તુ ખરીદવાથી થશે લાભ

• આજે પુષ્યનક્ષત્રની શરૂઆત
• ધર્મ અને કર્મની દ્રષ્ટીએ આ બંને યોગ શુભ રહેશે
• પુષ્યનક્ષત્રમાં રાશિ અનુસાર ખરીદી કરો

આજે શનિવાર છે અને સવારે 8 વાગ્યાથી પુષ્યનક્ષત્રની શરૂઆત થઈ ગઈ છે, જે આવતીકાલે સવારે 10 વાગ્યા સુધી રહેશે. દિવાળી પહેલા આવતા પુષ્યનક્ષત્રમાં ખરીદી કરવી તે નવા કામની શરૂઆત માટે શુભ માનવામાં આવે છે. આ વર્ષે શનિ પુષ્ય અને રવિ પુષ્ય બંને રહેશે. પુષ્યનક્ષત્રના સ્વામી શનિ છે અને આજે શનિવારે પુષ્યનક્ષત્ર છે. રવિવારે પુષ્યનક્ષત્રની સાથે સર્વાર્થ સિદ્ધિ યોગ પણ રહેશે. ધર્મ અને કર્મની દ્રષ્ટીએ આ બંને યોગ શુભ રહેશે. પુષ્યનક્ષત્રમાં રાશિ અનુસાર કઈ વસ્તુની ખરીદી કરવી જોઈએ, તે અંગે અહીંયા જણાવવામાં આવ્યું છે. 

રાશિ અનુસાર ખરીદી

• મેષ- આ રાશિના જાતકોએ જમીન, મકાન, ખેતીના સાધનો, વાહનની ખરીદી કરવી.
• વૃષભ- આ રાશિના જાતકોએ અનાજ, કપડા, ચાંદી, ચોખા, બ્યુટી પ્રોડક્ટ્સ, અત્તર, મિઠાઈ, ખરીદી કરવી.
• મિથુન- આ રાશિના જાતકોએ સોનું, કાગળ, લાકડું, પિત્તળ, ઘઉં, કઠોળ, કાપડ, સ્ટીલ, બ્યુટી પ્રોડક્ટ્સ, તેલ, પ્રાણીઓ, પૂજા સામગ્રી, સંગીતનાં સાધનોની ખરીદી કરવી.
• કર્ક- આ રાશિના જાતકોએ ચાંદી, ચોખા, કાપડ કંપનીના શેર, અનાજ, લાકડું, આધુનિક ઉપકરણો, બાળકોના રમકડાંની ખરીદી કરવી
• સિંહ- આ રાશિના જાતકોએ સોનું, ઘઉં, કપડાં, દવાઓ, રત્ન, સૌંદર્ય ઉત્પાદ, અત્તર, મિલકતની ખરીદી કરવી.
• કન્યા- આ રાશિના જાતકોએ સોનું, ઓષધિ, રસાયણો, ખેતીના સાધનોની ખરીદી કરવી.
• તુલા- આ રાશિના જાતકોએ લોખંડ, સિમેન્ટ, સ્ટીલ, દવાઓ, રસાયણો, કપડાં, કોમ્પ્યુટર, કેમેરા, ટીવીની ખરીદી કરવી.
• વૃશ્ચિક- આ રાશિના જાતકોએ જમીન, મકાન, દુકાન, ખેતી, રત્ન, ખેતી અને તબીબી સાધનો, પૂજા સામગ્રી, કાગળ, કપડાંની ખરીદી કરવી.
• ધન- આ રાશિના જાતકોએ ઘરેણાં, સોનું, અનાજ, કપાસ, ચાંદી, ચોખા, ઓષધિ, મિઠાઈની ખરીદી કરવી.
• મકર- આ રાશિના જાતકોએ લોખંડ, કેબલ, તેલ, ઈલેક્ટ્રોનિક્સ સામાન, ખેતીના સાધનો, વાહન, કપડાં, અત્તર, સૌંદર્ય ઉત્પાદનોની ખરીદી કરવી.
• કુંભ- આ રાશિના જાતકોએ લોખંડ, સ્ટીલ, કેબલ, ઈલેક્ટ્રોનિક્સ સામાન, ખેતીના સાધનો, વાહન, અત્તરની ખરીદી કરવી.
• મીન- આ રાશિના જાતકોએ દાગીના, રત્ન, સોનું, અનાજ, કપાસ, ચાંદી, ચોખા, ઓષધિનીખરીદી કરવી.