તમારા કામનું / કાલે છે સંકષ્ટી ચતુર્થી, આ રીતે ભગવાન ગણેશની કૃપા મેળવી દૂર કરો દરેક મુશ્કેલીઓ, જાણો શુભ મુહૂર્ત

• ક્યારે છે સંકષ્ટી ચતુર્થી? 
• જાણો પૂજાનું શુભ મુહૂર્ત 
• સંકષ્ટી ચતુર્થીના દિવસે ભૂલથી પણ ન કરો આ કામ 

આમ તો બધી ચતુર્થી ભગવાન ગણેશને સમર્પિત છે. દર મહિનામાં 2 ચતુર્થી આવે છે. આમાંથી એક કૃષ્ણ પક્ષમાં આવે છે અને બીજું શુક્લ પક્ષમાં. જેમાં કૃષ્ણ પક્ષની ચતુર્થી સંકષ્ટી ચતુર્થી તરીકે અને શુક્લ પક્ષની ચતુર્થીને વિનાયક ચતુર્થી કહેવામાં આવે છે. 

આવતીકાલે એટલે કે 19મી એપ્રિલે વૈશાખ માસની ચતુર્થી છે. આ દિવસે સંકષ્ટી શ્રી ગણેશ ચતુર્થી વ્રત રાખવામાં આવશે. સંકષ્ટી ચતુર્થીના ઉપવાસ અને પૂજા કરતી વખતે કેટલીક બાબતોનું ધ્યાન રાખવું ખૂબ જ જરૂરી છે. તેમજ સંકષ્ટી ચતુર્થીની પૂજા શુભ મુહૂર્તમાં કરવી જોઈએ અને ચંદ્રને અર્ધ્ય આપવું જોઈએ. તેના વિના પૂજા અધૂરી માનવામાં આવે છે.

સંકષ્ટી ચતુર્થી પૂજા મુહૂર્ત 
ચતુર્થી તિથિ 19 એપ્રિલ, મંગળવારના રોજ 04:38 વાગ્યાથી શરૂ થશે અને 20 એપ્રિલના રોજ 01:52 વાગ્યા સુધી ચાલુ રહેશે. ચતુર્થીના વ્રત દરમિયાન ચંદ્રને અર્ઘ્ય અર્પણ કરવું જરૂરી હોવાથી ચતુર્થી એ જ દિવસે માનવામાં આવે છે જેમાં રાત્રિનો સમય આવે છે. આ વખતે સંકષ્ટી ચતુર્થી પર ચંદ્રોદયનો સમય રાત્રે 09:50 છે.

સંકષ્ટી ચતુર્થીના દિવસે ન કરો આ કામ

• ભૂલથી પણ ભગવાન ગણેશને તુલસી ન ચઢાવો. આમ કરવું અશુભ માનવામાં આવે છે.
• જો કે પશુ-પક્ષીઓને ક્યારેય હેરાન ન કરવા જોઈએ પરંતુ સંકષ્ટી ચતુર્થીના દિવસે આમ કરવું ભારે પડી શકે છે. આ દિવસે પ્રયત્ન કરો કે પ્રાણીઓ અને પક્ષીઓને ખોરાક અને પાણી આપવાનો પ્રયાસ કરો.
• સંકષ્ટી ચતુર્થીના દિવસે વડીલો અને બ્રાહ્મણોનું અપમાન કરવાની ભૂલ ન કરવી. આ કારણે ભગવાન ગણેશ તમારાથી નારાજ થઈ શકે છે.
• સંકષ્ટી ચતુર્થીના દિવસે તમારે વ્યવહાર સારો રાખો. કોઈની સાથે જૂઠું બોલશો નહીં, કોઈને છેતરશો નહીં.
• સંકષ્ટી ચતુર્થીના દિવસે માંસ અને દારૂનું સેવન ન કરવું. આ દિવસે ઘરમાં લસણ-ડુંગળીનો ઉપયોગ ભોજનમાં ન કરવો. આ દિવસે સાત્વિક ભોજન જ ખાઓ.