પ્રજાસત્તાક દિવસ / BIG NEWS : નીરજ ચોપડાને પરમ વિશિષ્ટ સેવા મેડલ, 384 લોકોને વીરતા પુરસ્કારની જાહેરાત

• ઓલિમ્પિકમાં ગોલ્ડ મેડાલિસ્ટ નીરજ ચોપડાને મળશે પરમ વિશિષ્ટ સેવા મેડલ
• કુલ 384 લોકો માટે વીરતા પુરસ્કારની જાહેરાત
• રાષ્ટ્રપતિ રામનાથ કોવિંદ 26 જાન્યુઆરીએ એનાયત કરશે વીરતા પુરસ્કાર 

73મા પ્રજાસત્તાકની પૂર્વ સંધ્યાએ રાષ્ટ્રપતિ રામનાથ કોવિંદે કુલ 384 લોકો માટે વીરતા પુરસ્કારની જાહેરાત કરી છે. રાષ્ટ્રપતિ  કોવિંદ તમામને તેમની સંબંધિત સેવા બદલ વીરતા પુરસ્કારથી સન્માનિત કરશે.  384  વીરતા પુરસ્કારમાં 12 શૌર્ય ચક્ર, 29 પરમ વિશિષ્ટ સેવા મેડલ્સ, 4 ઉત્તમ યુદ્ધ સેવા મેડલ્સ, 53 અતિ વિશિષ્ટ સેવા મેડલ્સ, 13 યુદ્ધ સેવા મેડલ સામેલ છે. તેમાં 122 વિશિષ્ટ સેવા ચંદ્રકો, 81 સેના ચંદ્રકો (શૌર્ય), 2 વાયુ સેના ચંદ્રકો, 40 સેના ચંદ્રકો, 8 નૌકા ચંદ્રકો, 14 વાયુ સેના ચંદ્રકો (ફરજ પ્રત્યે સમર્પણ) પણ સામેલ છે.

President Ram Nath Kovind has approved awards of 384 Gallantry for armed forces personnel & others on the eve of 73rd Republic Day celebrations. These include 12 Shaurya Chakras, 3 Bar to Sena Medals (Gallantry), 81 Sena Medals (Gallantry) & 2 Vayu Sena Medals (Gallantry)

— ANI (@ANI) January 25, 2022

નીરજ ચોપડાને મળશે  પરમ વિશિષ્ટ સેવા મેડલ

ટોક્યો ઓલિમ્પિકમાં ગોલ્ડ મેડલ જીતીને ઈતિહાસ રચનારા સ્ટાર ખેલાડી નીરજ ચોપડા માટે પરમ વિશિષ્ટ સેવા મેડલની જાહેરાત કરવામાં આવી છે. 26 જાન્યુઆરીએ રાષ્ટ્રપતિ રામનાથ કોવિંદ નીરજ ચોપડાને પરમ વિશિષ્ટ સેવા મેડલથી સન્માનિત કરશે. 

Tokyo Olympics Gold medalist Subedar Neeraj Chopra of 4 Rajputana Rifles awarded the Param Vishisht Seva Medal on Republic Day

(File photo) pic.twitter.com/LqS3g1yfLz

— ANI (@ANI) January 25, 2022

આ વખતની પરેડમાં  હરિયાણાના ટેબ્લોને વિશેષ સ્થાન, નીરજ ચોપરાની રેપ્લિકા જોવા મળશે 
આ વખતે 26 જાન્યુઆરીની પરેડમાં હરિયાણાના ટેબ્લોને ખૂબ જ ખાસ બનાવવામાં આવ્યું છે. એ ટેબ્લોમાં નીરજ ચોપરાની એડમાકા રેપ્લિકા પણ જોવા મળશે. રાજ્યના માહિતી નિયામક, જનસંપર્ક અને ભાષા વિભાગે શનિવારે આ માહિતી આપી હતી. 10 ઓલિમ્પિયન્સ હરિયાણાના ટેબ્લોનો ભાગ બનશે કારણ કે હરિયાણા રાજપથ પર ઓલિમ્પિક નાયકોની શક્તિ પ્રદર્શિત કરવા માટે તૈયાર છે.

189 વીરોને પોલીસ મેડલથી સન્માનિત કરાશે

189 વીરોને પોલીસ મેડલથી સન્માનિત કરવામાં આવશે તો વિશિષ્ટ સેવા માટે 88 વીરોને રાષ્ટ્રપતિ પોલીસ મેડલ અને 662ને સરાહનીય સેવા માટે પોલીસ મેડલ આપવામાં આવશે. પોલીસ મેડલ મેળવનારર 189 વીરોમાંથી 134 કર્મીઓને જમ્મુ અને કાશ્મીર ક્ષેત્રમાં તેમની વીરતા બદલ સન્માનિત કરવામાં આવશે. દેશની સુરક્ષામાં અદમ્ય સાહસ દેખાડનાર વીર જવાનોને દર વર્ષે પ્રજાસત્તાક દિવસના અવસરે વીરતા પુરસ્કારથી સન્માનિત કરાય છે.

ગુજરાતના 19 પોલીસ અધિકારીઓ અને કર્મીઓની પસંદગી
વીરતા પુરસ્કાર માટે ગુજરાતના 9 પોલીસ અધિકારીઓ અને કર્મીઓની પસંદગી કરાઈ છે આ તમામ અધિકારીઓ અને કર્મીઓને રાષ્ટ્રપતિના હસ્તે વીરતા પુરસ્કાર એનાયત કરવામાં આવશે.