દેશની જાણીતી ફેશન ડિઝાઈનર પ્રત્યુષા ગરિમેલાનું અવસાન થયું છે. તેની લાશ તેના જ ઘરના બાથરૂમમાંથી મળી આવી હતી. 35 વર્ષની પ્રત્યુષાના મોતથી સમગ્ર ફેશન ઈન્ડસ્ટ્રી હચમચી ગઈ છે.
મીડિયા રિપોર્ટ્સ અનુસાર, પ્રત્યુષા શનિવારે તેના ઘરના બાથરૂમમાં મૃત હાલતમાં મળી આવી હતી. એવું કહેવામાં આવી રહ્યું છે કે કાર્બન મોનોક્સાઇડ ગેસ શ્વાસમાં લેવાથી તેનું મોત થયું છે.
ચીઠ્ઠીમાં થયો મોટો ખુલાસો
જણાવી દઈએ કે પોલીસને તેના રૂમમાંથી એક ચિઠ્ઠી પણ મળી છે, જેમાં લખ્યું છે કે હું ખૂબ જ એકલતા અનુભવું છું અને ડિપ્રેશનમાં છું. આ નોટમાં તેણે કોઈની સામે કોઈ આરોપ લગાવ્યો નથી. આ નોટ પરથી અનુમાન લગાવવામાં આવી રહ્યું છે કે તેણે આત્મહત્યા કરી છે. જો કે, હજુ સુધી કંઈપણ પુષ્ટિ થઈ નથી અને પોલીસ સમગ્ર મામલાની તપાસ કરી રહી છે.
પ્રત્યુષા ગરિમેલા કેસમાં પોલીસ તપાસ કરી રહી છે
તમને જણાવી દઈએ કે પ્રત્યુષા ગરીમેલાની ગણના દેશના ટોપ 39 ફેશન ડિઝાઇનર્સમાં થતી હતી. શનિવારે તેનું શંકાસ્પદ સંજોગોમાં મોત થયું હતું. તે તેલંગાણાના બંજારા હિલ્સમાં રહેતી હતી. પોલીસને તેના બેડરૂમમાંથી કાર્બન મોનોક્સાઇડ સિલિન્ડર મળી આવ્યો હતો. કહેવામાં આવી રહ્યું છે કે આ ગેસની દુર્ગંધના કારણે તેનું મોત થયું છે. પોલીસ આ મામલાને શંકાસ્પદ માની રહી છે અને મામલાની તપાસ કરી રહી છે. પ્રાથમિક રીતે પોલીસ આ આપઘાત સ્વીકારી રહી છે, પરંતુ સાચી માહિતી પોસ્ટમોર્ટમ બાદ જ બહાર આવશે. બંજારા પોલીસ સ્ટેશનના ઈન્સ્પેક્ટર નાગેશ્વર રાવે જણાવ્યું કે તેમના રૂમમાંથી એક ચિઠ્ઠી પણ મળી આવી છે. જણાવી દઈએ કે, આ ઘટનાની જાણકારી સુરક્ષા ગાર્ડ દ્વારા પોલીસને આપવામાં આવી હતી. પોલીસ દરવાજો તોડીને ઘરમાં પ્રવેશી, જ્યાં પ્રત્યુષા શંકાસ્પદ હાલતમાં મળી આવી.
પોલીસે પુછપરછ શરૂ કરી
હકીકતમાં જોઈએ તો, ઘટના ત્યારે સામે આવી જ્યારે તેણે શનિવારે બપોરે જવાબ ન આપ્યો, જે બાદ સિક્યુરિટીએ પોલીસને જાણ કરી હતી. જેના પર પોલીસે ઘરનો દરવાજો તોડી અંદર જઈને તેની લાશ કબ્જામાં લીધી હતી. પોલીસે મૃતદેહને ઓસ્માનિયા હોસ્પિટલના શબઘરમાં પોસ્ટમોર્ટમ માટે રાખ્યો છે અને શંકાસ્પદ મૃત્યુનો કેસ નોંધ્યો છે. પોલીસે જણાવ્યું કે દિલ્હીમાં રહેતા તેના સંબંધીઓને આ અંગે જાણ કરવામાં આવી છે.
અમેરિકામાંથી કર્યું છે ફેશન ડિઝાઈનિંગ
જણાવી દઈએ કે પ્રત્યુષાએ યુએસથી ફેશન ડિઝાઈનિંગ કર્યું છે. તેણે પોતાના કરિયરની શરૂઆત હૈદરાબાદથી કરી હતી. વર્ષ 2013માં પ્રત્યુષાએ પોતાના નામથી લેબલ શરૂ કર્યું, ત્યાર બાદ તેણે ક્યારેય પાછળ વળીને જોયું નથી. પ્રત્યુષાએ ટોલીવુડ ઇન્ડસ્ટ્રીની ઘણી લોકપ્રિય હસ્તીઓ માટે કપડાં ડિઝાઇન કર્યા છે. આ સિવાય પ્રત્યુષાએ ઘણા બોલિવૂડ સેલેબ્સ માટે પણ કામ કર્યું છે. તેમના ઘણા મોટા ગ્રાહકો છે.