- દરરોજ પર્યાપ્ત માત્રામાં પાણીનું સેવન કરવું જોઈએ
- પાણીનું ઓછી માત્રામાં સેવન કરવાથી ડિહાઈડ્રેશન થવાનું જોખમ રહે છે
- અનેક પ્રકારની ક્રોનિક બિમારીઓ થઈ શકે છે
વ્યક્તિએ સ્વસ્થ રહેવા માટે દરરોજ પર્યાપ્ત માત્રામાં પાણીનું સેવન કરવું જોઈએ. પાણીનું ઓછી માત્રામાં સેવન કરવાથી શરીરનું ફંક્શન બગડી શકે છે અને ડિહાઈડ્રેશન થવાનું જોખમ રહે છે. તાજેતરની સ્ટડી પરથી જાણવા મળ્યું છે કે, પાણીનું સીમિત માત્રામાં સેવન કરવાથી નાની ઉંમરે ઘડપણ આવી શકે છે. ઉપરાંત બ્લડ પ્રેશર, કોલસ્ટ્રોલ સહિત અનેક પ્રકારની ક્રોનિક બિમારીઓ થવાનું જોખમ રહે છે.
રિસર્ચ પરથી જાણવા મળ્યું છે કે, હાઈડ્રેટેડ લોકોની સરખામણીએ જે લોકોને ડિહાઈડ્રેશનની સમસ્યા હોય તેમનું નાની ઉંમરે મૃત્યુ થવાનું જોખમ રહે છે. આ સ્ટડીમાં 45થી 66 વર્ષના લોકોને શામેલ કરવામાં આવ્યા હતા. 25 વર્ષ સુધી 11,000 લોકો પર સ્ટડી પર કર્યા પછી આ સ્ટડીનું રિઝલ્ટ જાહેર કરવામાં આવ્યું છે. જે લોકો આ સ્ટડીમાં શામેલ કરવામાં આવ્યા તેમના બ્લડમાં સોડિયમ લેવલની તપાસ કરવામાં આવી હતી. જે લોકોના બ્લડમાં સોડિયમ કંસંટ્રેશનની માત્રા વધુ હતી તે લોકોના શરીરમાં પાણીની ઊણપ હોવાનું સામે આવ્યું હતું.
જે લોકોના બ્લડમાં સોડિયમનું સ્તર વધુ હતું, તે લોકો અન્ય લોકોની સરખામણીએ વધુ વૃદ્ધ થઈ રહ્યા હતા. ઉપરાંત હાઈ બ્લડ પ્રેશર, કોલસ્ટ્રોલ અને ડાયાબિટીસનું વધુ જોખમ હતું. બ્લડમાં સોડિયમની માત્રા વધુ હોવી તે આરોગ્ય માટે હાનિકારક છે. આ પ્રકારની સમસ્યાથી બચવા માટે લિક્વિડનું પર્યાપ્ત માત્રામાં સેવન કરવું જોઈએ.
આરોગ્ય નિષ્ણાંતો અનુસાર તમામ ઋતુમાં દરરોજ 2થી 3 લીટર પાણીનું સેવન કરવું જોઈએ. પથરીની સમસ્યા હોય તો વધુ માત્રામાં પાણીનું સેવન કરવું જોઈએ. શરીરમાં પાણીની ઊણપ થવાને કારણે અનેક પ્રકારની પરેશાની થઈ શકે છે, ઉપરાંત કિડની પર પણ અસર થઈ શકે છે.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
