હોમવર્ક / ગુજરાત આવેલા PM મોદી સાંસદોને લેસન આપતા ગયા: જીત પાક્કી કરવા માટે માઈક્રોપ્લાનિંગ પર ભાર, જાણો શું

PM મોદીએ ગુજરાત મુલાકાત દરમિયાન આપ્યુ હોમવર્ક
નબળી બેઠકમાં કામ કરવા આપ્યુ હોમવર્ક
100-100 બુથ તારવી માઇક્રોપ્લાનિંગનું સૂચન

ગુજરાત વિધાનસભાની ચૂંટણીની તારીખો જાહેર નથી થઇ પરંતુ ભાજપ દ્વારા જાણે કે ચૂંટણી કાલે જ હોવી તે રીતે તૈયારીઓ કરવામાં આવી રહી છે. ભાજપ દ્વારા બેઠકોનો ધમધમાટ શરુ કરી દેવામાં આવ્યો છે. સૌરાષ્ટ્ર ઝોનમાંથી બેઠકની શરુઆત કરવામાં આવી છે.જેમાં  ધારાસભ્યોને એવી જ સૂચના આપવામાં આવી છે કે ચૂંટણી આવતી કાલે જ હોય તે પ્રકારે મહેનત કરવામાં આવે.  તો બીજી તરફ જે બેઠક પર ભાજપની પક્કડ નબળી છે તેવી બેઠકો પર પણ જીત મેળવવા કમર કસવાનો આદેશ અપાયો છે.

 નબળી બેઠકમાં કામ કરવા આપ્યું લેસન

પીએમ મોદી હમણા બે દિવસ ગુજરાતના પ્રવાસે હતા. તેઓએ પંચાયત સંમેલનમાં ગામના સરપંચ અને સભ્યોને મહત્વના ત્રણ કાર્યો શરુ કરવા સૂચન કર્યુ હતું તો સાથે સાથે સાંસદોને પણ તેઓ હોમવર્ક આપતા ગયા. ગુજરાત વિધાનસભાની નબળી અને ઓછા માર્જિનથી જીતેલી બેઠકના કારણો શોધવા સૂચન કરવામાં આવ્યું છે...ઓછા માર્જિનવાળી બેઠકો પર કામ કરવા માટે સૂચન કરવામાં આવ્યું છે...ઓછા માર્જિનથી હારતા બેઠકો પર 100-100 બુથ તારવી માઇક્રોપ્લાનિંગનું સૂચન કરાયું છે...

કોંગ્રેસનો ગઢ ગણાતી બેઠકો પર જીતનું સૂચન

ગુજરાત વિધાનસભામાં 30 બેઠકો કોંગ્રેસનો ગઢ ગણાય છે.કોંગ્રેસનો ગઢ ગણાતી બેઠકો પરના તારણો શોધવા સૂચન કરાયું છે .તો 30થી વધુ બેઠકો પર ભાજપ પાતળી સરસાઇ જીતે તેના પર મંથનનું સૂચન કર્યું છે અને કોંગ્રેસની બેઠકો પર ભાજપ શા માટે હાર્યું તેના તારણો શોધવા પણ સૂચન કરવામાં આવ્યું છે. હારેલી બેઠકો પર તારણને શોધી તેના પર કામ કરવા માટે સૂચના આપવામાં આવી છે. સરકારી યોજના લાભ છતાં કેમ ઓછું મતદાન તેના તારણો પર કામ કરવા સૂચન કર્યું છે. કેન્દ્ર સરકારની યોજનાના પ્રચાર-પ્રસારને વેગવાન બનાવવા સાંસદોને તાકીદ કરવામાં આવી છે.

PM મોદીએ ગુજરાતના સાંસદોને બેઠક માટે બોલાવ્યા 

ઉત્તર પ્રદેશમાં જોરદાર જીત બાદ ભારતીય જનતા પાર્ટી ગુજરાત વિધાનસભાની ચૂંટણી જીતવા માટે અત્યારથી પ્રયાસો શરૂ કરી રહી છે ત્યારે પ્રધાનમંત્રી મોદી પણ ગુજરાતને લઈને સતત એક્ટિવ દેખાઈ રહ્યા છે. હાલમાં જ ગુજરાતનાં બે દિવસના પ્રવાસ બાદ હવે ગુરુવારે ગુજરાતનાં તમામ સાંસદોને બેઠક કરવા માટે દિલ્હી બોલાવ્યા છે. એક તરફ જ્યાં દિલ્હીમાં હાલમાં સત્ર ચાલી રહ્યું છે ત્યાં બીજી તરફ પ્રધાનમંત્રી મોદીએ ગુજરાતનાં સાંસદોને મીટિંગ માટે બોલાવ્યા છે. માનવામાં આવી રહ્યું છે કે પ્રધાનમંત્રી મોદી આ મીટિંગમાં સાંસદોનો રિપોર્ટ કાર્ડ પણ માંગી શકે છે આગામી ચૂંટણી પહેલા સાંસદોને સરકારની યોજનાઓને લોકો સુધી પહોંચાડવા માટેની પણ કોઈ ટાસ્ક આપી શકે છે