ફાયદો / કેન્દ્ર સરકાર આ મહિને કરી શકે છે ખાતામાં 4000 રૂપિયા ટ્રાન્સફર, જાણો કોને થશે આ ફાયદો

• અત્યાર સુધી 9 કરોડથી વધુ ખેડૂતોએ રજીસ્ટ્રેશન કરાવ્યું 
• એપ્રિલ-જુલાઇ વાળો હપ્તો જુલાઇ મહિનામાં જ મળી જશે. 
• 30 જૂન સુધી પોતાનું રજીસ્ટ્રેશન કરાવી શકે છે

અત્યાર સુધી 9 કરોડથી વધુ ખેડૂતોએ રજીસ્ટ્રેશન કરાવ્યું 
કેન્દ્ર સરકાર આ મહિને ખેડૂતોના ખાતામાં 4000 રૂપિયા ટ્રાન્સફર કરી શકે છે. પ્રધાનમંત્રી કિસાન સમ્માન નિધિ યોજના અંતર્ગત ખેડૂતોને ચાર હજાર રૂપિયા મેળવવાનો આ સારો અવસર ગણી શકાય. સરકારે હજી હમણાં જ ખેડૂતોના ખાતામાં 2000 રૂપિયાનો આઠમો હપ્તો ટ્રાન્સફર કર્યો હતો. જો તમે પણ આ પૈસા મેળવવા ઈચ્છો છો તો તમારું રજીસ્ટ્રેશન શરૂ કરી દો. કિસાન સમ્માન નિધિ યોજના અંતર્ગત અત્યાર સુધી 9 કરોડથી વધુ ખેડૂતોએ રજીસ્ટ્રેશન કરાવી દીધું છે.

એપ્રિલ-જુલાઇ વાળો હપ્તો જુલાઇ મહિનામાં જ મળી જશે. 
તમને જણાવી દઈએ કે તમે પણ PM કિસાન યોજનની ઓફિશિયલ વેબસાઇટ pmkisan.gov.in પર જઈ તમારું ફોર્મ ભરી શકો છો. રજીસ્ટ્રેશન બાદ તમારા બેંકના ખાતામાં આ પૈસા ટ્રાન્સફર કરી દેવામાં આવશે. કેટલાક ખેડૂતો એવા છે કે જેમને ગયા મહિને 2000 રૂપિયા મળ્યા ન્હોતા, કારણકે તેમણે આ યોજના અંતર્ગત રજીસ્ટ્રેશન કરાવ્યું નોહતું. તો આવા ખેડૂતો 30 જૂન સુધી પોતાનું રજીસ્ટ્રેશન કરાવી શકે છે. જો તે લોકોને મંજૂરી મળી ગઈ તો તે લોકો એપ્રિલ-જુલાઇ વાળો હપ્તો જુલાઇ મહિનામાં જ મળી જશે.  આ સાથે જ ઓગસ્ટનો હપ્તો પણ મળી જશે. એટલે કે બીજા બે હપ્તાની લાભ પણ મળી જશે. 

આવી રીતે કરો રજીસ્ટ્રેશન

• સૌથી પહેલા તમે  વેબસાઇટ pmkisan.gov.in જાઓ. 
• ત્યારબાદ New Farmer Registration વિકલ્પ પર ક્લિક કરો 
• હવે જે નવી ટેબ ખૂલી છે તેમાં તમારા આધારકાર્ડનો નંબર અને કેપચા કોડ ભરવાનો રહેશે. 
• હવે તમારે તમારી અને તમારી જમીન વિશેની બધી જ માહિતી આપવાની રહેશે. 
• આ બધી જ જાણકારી ભરી દીધા બાદ સબમિટ બટન પર ક્લિક કરી દો .