ચકચાર / ગુજરાત હાઇકોર્ટમાં જ ચાર લોકોએ ફિનાઇલ ગટગટાવ્યું: આરોપીઓને જામીન મળતા કર્યો આપઘાતનો પ્રયાસ, જાણો સમગ્ર મામલો

• ગુજરાત હાઇકોર્ટમાં આરજદારોએ આપઘાતનો પ્રયાસ કર્યો 
• ચાર અરજદારોએ કોર્ટમાં આપઘાતનો પ્રયાસ કર્યો 
• છેતરપિંડીના કેસમાં આરોપીને જમીન મળતા આપઘાતનો પ્રયાસ કર્યો 

ગુજરાત હાઇકોર્ટમાં અરજદારોએ આપઘાતનો પ્રયાસ કરતાં અફરાતફરી મચી જવા પામી હતી. આરોપીના જામીન મંજુર થતાં જ ચાર જેટલા અરજદારોએ કોર્ટ પરિષરમાં ઝેરી દવા પી આપઘાતનો પ્રયાસ કર્યો હતો. દંપતી સહીતના ચાર લોકોના આપઘાતના પ્રયાસને પગલે કોર્ટ પરીસરમાં નાશભાગ મચી ગઈ હતી.  જો કે તાત્કાલિક ચારેય લોકોને નજીક આવેલી સોલા સિવિલ ખાતે ખસેડવામાં આવ્યા હતા. તો આપઘાતનો પ્રયાસ કરનારા ચાર લોકોમાં એક દંપતી પણ છે. 

આરોપીને જામીન મળતા અરજદારોએ હાઇકોર્ટમાં જ ઝેરી દવા પીધી 

 આ મામલે માહિતી પ્રમાણે બનાવની વિગત એવી છે કે કલર મર્ચન્ટ કો-ઓપરેટિવ બેંકમાંથી એક દંપતી અને બે અન્ય વ્યક્તિઓએ ધંધા માટે મોર્ગેજ લોન માટે અરજી કરી હતી, બેંકમાં લોન પાસ થઇ ગઇ પરંતુ ચારેયના ખાતામાં પૈસા જમા થયા ન હતા. બાદમાં આ ચારેય લોકોએ પોલીસ ફરિયાદમાં જણાવ્યું કે તેમની લોનના પૈસા બેંકના લોન કન્સલ્ટન્ટ ચિંતન શાહ, જનરલ મેનેજર કિન્નરભાઈ અને મેનેજર અતુલ શાહ ઓળવી ગયા છે. આ મામલે સુનાવણી ચાલી રહી હતી. જેમાં આરોપી તરફી આગોતરા જામીન માટે અરજી કરવામાં આવી હતી, જે કોર્ટે ગ્રાહ્ય રાખતાં નારાજ ફરિયાદીએ ફિનાઇલ ગટગટાવી લીધું હતું. જો કે એમ્યુલન્સની મદદથી તમામને સોલા સિવિલ હોસ્પિટલ ખાતે ખસેડવામાં આવ્યા હતા. 

ચારેય અરજદારને સોલા સિવિલ હોસ્પિટલમાં ખસેડાયા 

કોર્ટ પરિષરમાં આપઘાતના પ્રયાસ બાદ પોલીસ દ્વારા પંચનામા સહિની કામગીરી હાથ ધરવામાં આવી હતી. જેમાં આપઘાતનો પ્રયાસ કરનાર શૈલેષભાઈ ઈશ્વરભાઈ પંચાલ (ઉં.વ.52 રહે. સી/504, કેશવ પ્રિય હોમ્સ નિકોલ, અમદાવાદ), જયશ્રીબેન શૈલેષભાઈ પંચાલ (ઉં.વ.50 રહે. સી/504, કેશવ પ્રીય હોમ્સ નિકોલ, અમદાવાદ), હાર્દિકભાઈ અમરતભાઈ પટેલ (ઉં.વ.24 રહે. 1, ઉમિયાનગર ઘાટલોડિયા, અમદાવાદ), મનોજભાઈ નાથુભાઈ વૈષ્ણવ (ઉં.વ.41 રહે. 443/2634, શુભલક્ષ્મીનગર સોસાયટી, જનતાનગર ચાંદખેડા, અમદાવાદ) છે.