વિશેષ / વિશેષ ટ્રેન માટે ધડાધડ બુકિંગ ચાલુ, ગણતરીના કલાકોમાં આટલા કરોડ રૂપિયાની ટિકિટ બુક

ભારતીય રેલ્વે અનુસાર, વિશેષ ટ્રેનો માટે 80 હજારથી વધારે યાત્રીઓએ ટિકિટ બુક કરી છે. આ અનુસાર, 16.15 કરોડ રૂપિયાની 45000 થી વધુ ટિકિટ બુક કરવામાં આવી છે. રેલવેએ દિલ્હીથી મધ્યપ્રદેશના બિલાસપુર માટે પહેલી ટ્રેન રવાના થયાના થોડા કલાક પહેલા આ માહિતી આપી હતી. 

82,317 લોકો મુસાફરી કરશે 

રેલવેએ જણાવ્યું કે, અત્યાર સુધી આગામી સાત દિવસ માટે 16.15 કરોડ રૂપિયાનું 45,533 બુકિંગ થયું છે. આ ટિકિટ પર લગભગ 82,317 લોકો મુસાફરી કરશે. રેલવેએ સોમવારે 15 વિશેષ ટ્રેન માટે દિશા નિર્દેશ જાહેર કર્યા હતા, જે લાગુ થઈ ચુક્યા છે. જેના પ્રમાણે યાત્રિઓને તેમનું ભોજન અને ચાદર લાવવા માટે કહેવાયું છે અને સ્વાસ્થ્યની તપાસ માટે ટ્રેનના રવાના થયા ના લગભગ 90 મિનિટ પહેલા આવવા માટે કહેવાયું છે. આ યાત્રિઓ માટે ‘આરોગ્ય સેતુ એપ’ ડાઉનલોડ કરવી પણ ફરજિયાત હશે. 

કેટલા શહેરો માટે 

આ રેલવે નવી દિલ્હી અને દેશના તમામ મુખ્ય શહેર દિબ્રૂગઢ, અગરતલા, હાવડા, પટના, બિલાસપુર, રાંચી, ભુવનેશ્વર, સિંકદરાબાદ, બેંગલુરુ, ચેન્નાઈ, તિરુવનંતપુરમ, મડગામ, મુંબઈ સેન્ટ્રલ, અમદાવાદ અને જમ્મુ તવી વચ્ચે દોડશે. મંગળવારે 12 મેના રોજ આઠમાંથી ત્રણ રેલવે નવી દિલ્હીથી રવાના થઈ રહી છે, જે દિબ્રૂગઢ, બેંગલુરુ અને બિલાસપુર પહોંચશે. હાવડા, રાજેન્દ્ર નગર, બેંગલુરુ, મુંબઈ મધ્ય અને અમદાવાદથી એક એક રેલવને રવાના થશે અને દિલ્હી પહોંચશે.

રેલવેમાં ટીટીઈને કોઈની ટિકિટ બનાવવાની મંજૂરી નહીં હોય. ભારતીય રેલવેએ ટિકિટ રદ કરાવવાનો પણ વિકલ્પ આપ્યો છે. આ સંબંધમાં તેમનું કહેવું છે કે યાત્રીઓ રેલવેના પ્રસ્થાનના 24 કલાક પહેલા જ ટિકિટ રદ કરાવી શકે છે. પણ ટિકિટ રદ થશે તો 50 ટકા રકમ જ પાછી મળશે.

શ્રમિક સ્પેશ્યલમાં 6.48 લાખ પેસેન્જર્સે મુસાફરી કરી 

રેલવેના જણાવ્યા પ્રમાણે, મજૂરો માટે 12 મે સુધી 542 શ્રમિક સ્પેશ્યલ ટ્રેન દોડાવાશે. દેશભરમાં આ દરમિયાન 6.48 લાખ પેસેન્જર્સે આ ટ્રેનથી મુસાફરી કરી હતી. મુસાફરી દરમિયાન પેસેન્જર્સની મફતમાં ભોજન અને પાણી આપવામાં આવ્યું હતું.