હેલ્થ ટિપ્સ / વેઇટ લોસથી લઈને ડાયાબિટીસ કન્ટ્રોલ કરે છે પપૈયું પણ આ લોકોએ ભૂલથી પણ ન ખાવું, ફાયદાની જગ્યાએ થશે નુકસાન

• કોઇ પણ રોગના દર્દીને પપૈયું ખાવાનું કહેવાય છે
• કેટલાક લોકોએ પપૈયું ન ખાવું જોઇએ
• પપૈયું પણ હેલ્થને નુકસાન કરી શકે છે

કોઇ પણ રોગના દર્દીને પપૈયું ખાવાનું કહેવાય છે. પપૈયું એક નિર્દોષ ફ્રૂટ તરીકે જાણીતું છે કેમકે તેમાં શુગરનું પ્રમાણ પણ નહીંવત હોય છે અને તે ફાઇબરથી ભરપુર હોય છે.આરોગ્ય માટે વરદાન ગણાતાં પપૈયામાં વિટામિન એ, વિટામિન સી, પ્રોટીન, કાર્બોહાઇડ્રેડ, કેલ્શિયમ, ફોસ્ફરસ, આયર્ન, ફાઇબર, નિયાસિન, મેગ્નેશિયમ જેવાં અનેક પોષક તત્ત્વ મળી આવે છે. તેમાં રહેલાં એન્ટીઓક્સિડન્ટ શરીરને ફ્રી રેડિકલ્સથી બચાવે છે. તે કેન્સરના જીવલેણ રોગના જોખમને ઘટાડે છે. આરોગ્ય માટે આટલું ફાયદાકારક હોવા છતાં કેટલાક લોકોએ પપૈયું ન ખાવું જોઇએ. તો જાણો કોણે પપૈયાથી દૂર રહેવું જોઇએ.

ગર્ભવતી મહિલા
મહિલાઓએ ગર્ભાવસ્થા દરમિયાન પપૈયાનું સેવન ન કરવું જોઇએ. પપૈયામાં રહેલા લેટેક્સ ગર્ભાશયના સંકુચનનું કારણ બની શકે છે. તેના કારણે ગર્ભપાત, પ્રસવ દર્દ, શિશુમાં અનેક સમસ્યા થઇ શકે છે.

હાઇપોગ્લાઇસીમિયા રોગી
ડાયાબિટીસના દર્દીઓ માટે પપૈયું ફાયદાકારક માનવામાં આવે છે, પરંતુ જે લોકોનું શુગર લેવલ પહેલેથી જ ઓછું છે અને જે હાઇપોગ્લાઇસીમિયાની સમસ્યાથી પીડાય છે, એવા લોકોએ પપૈયાનું સેવન ડોક્ટરને પૂછ્યા વગર ન કરવું જોઇએ. તે ગ્લુકોઝના સ્તરને ઘટાડે છે.

કિડનીમાં પથરી
પપૈયામાં વિટામિન સી વધુ હોવાના કારણે કે એક એન્ટીઓક્સિડન્ટ રિચ ફ્રૂટ છે. જો તમે પપૈયાનું સેવન વધુ માત્રામાં કરતા હો તો કિડનીમાં રહેલી પથરીની સમસ્યા વધી શકે છે. પપૈયાનાં વધુ સેવનથી કેલ્શિયમ ઓક્સલેટની સ્થિતિ ઉત્પન થઇને વ્યક્તિની કિડનીમાં સ્ટોન મોટો થઇ શકે છે.

દવા સાથે ન ખાવું
પપૈયું કેટલીક ખાસ દવાઓ સાથે ન લેવું જોઇએ. પપૈયામાં રહેલાં કેટલાંક તત્ત્વ શરીરમાં પ્રતિક્રિયા કરીને લોહીને પાતળું કરી શકે છે. આ કારણે શરીરમાં બ્લીડિંગની સમસ્યા ઊભી થઇ શકે છે. આવા સંજોગોમાં પપૈયું દવા સાથે ન લેવું જોઇએ.

અનિયંત્રિત હાર્ટબીટ
પપૈયામાં સાઇનોજેનિક ગ્લાઇકોસાઇડ હોય છે, જે એક પ્રકારનું એમિનો એસિડ છે. તે તમારા પાચનતંત્રમાં હાઇડ્રોજન સાઇનાઇડનું ઉત્પાદન કરે છે. જે સામાન્ય રીતે આરોગ્યને નુકસાન કરી શકે છે. જો તમને ઇરેગ્યુલર હાર્ટબીટની સમસ્યા છે તો તે તમારા માટે ખતરો ઊભો કરી શકે છે.