ફતવા / ક્યારે અટકશે પાકિસ્તાનના અટકચાળા, ગુજરાતના આ વિસ્તારને બતાવ્યો પોતાના નકશામાં, છંછેડાયો વિવાદ

• પાકિસ્તાનની અવળચંડાઇ 
• સિરક્રિક જુનાગઢને પોતાના નકશામાં બતાવ્યું 
• વિવાદિત ફતવો જાહેર કર્યો 

પાકિસ્તામ દર વખતે ભારત સાથે માથાકૂટ કરવાના બહાના શોધી લેતું હોય છે. ફરી એક વખત  પાકિસ્તાનની ઇમરાન સરકારની અવળચંડાઇ સામે આવી છે. આ વખતે વિવાદ ફરી વિવાદિત નકશાને લઈને ઊભો થયો છે. જેમાં પાકિસ્તાનની ન્યૂઝ ચેનલ્સને વિવાદિત નકશો બતાવવાની જાહેરાત કરવામાં આવી છે. 

વિવાદિત ફતવો જાહેર કર્યો 

પાકિસ્તાન સરકારનો સિરક્રીક-જુનાગઢને પોતાના નકશામાં બતાવવાનો વિવાદીત ફતવો જાહેર કર્યો છે. જે મુજબ પાકિસ્તાનની ન્યૂઝ ચેનલો રોજ રાતે નવ વાગ્યે બે સેકન્ડ માટે વિવાદીત નકશો બતાવશે. ત્યારે પાકિસ્તાનના વિવાદીત ફતવાને લઇ તેમની જ મીડિયા સંસ્થા દ્વારા વિરોધ કરાયો છે.

ત્યાંનાં જ લોકો નથી લેતા ગંભીરતાથી

પાકિસ્તાન અગાઉ પણ આવા ફટવાઓ કરી ચૂક્યું છે ત્યારે દુનિયાના  બીજા દેશો તો ઠીક ખૂદ પાકિસ્તાનના લોકોએ પણ ગંભીરતાથી નથી લીધો. લોકો પાકિસ્તાનના આ નવા આદેશને સર્કસ કહી રહ્યા છે. ભૂખમરમાં જીવતુ પાકિસ્તાન જૂનાગઢને પોતાના નકશામાં ગણાવી રહ્યું છે.

દુખે છે પેટને પકડે છે માથું 

પાકિસ્તાનને દુખે છે પેટને પકડે છે માથું એવો ઘાટ છે. કાશ્મીરમાં 370 હટાવ્યા બાદ પાકિસ્તાનની વેશ્વિક મંચ પર ચીન અને તુર્કી સિવાય કોઇ વાત ન માનતા ધમપછાડા કરી રહ્યું છે. બધી બાજુથી કંગાળ થઈ ગયેલું પાકિસ્તાન હવે રાજકીય ગરમાગરમી યથાવત રાખવા માટે આવા નાટકો કરી રહ્યું છે એ સર્વવિદિત છે/.