પ્રતિક્રિયા / જમ્મુ કાશ્મીર પર ઇમરાન ખાનના નિવેદન પર ભારત આપ્યો જડબાતોડ જવાબ

• જમ્મુ કાશ્મીર પર ઇમરાન ખાનની ટિપ્પણીને ભારતે ગણાવી ફાલતુ
• આંતરિક મામલે બોલવાનો કોઈ હક નથીઃ રવીશ કુમાર

પાકિસ્તાન કોરોનાના કહેર વચ્ચે બોર્ડર પર અશાંતિ ફેલાવી રહ્યું છે ત્યારે ઇમરાન ખાને સોશિયલ મીડિયામાં પણ ઝેર ઓક્યું છે. વિદેશ મંત્રાલયના પ્રવક્તા રવીશ કુમારે ઇમરાનને સલાહ આપતા એમ પણ કહ્યું કે જો તેઓ હકીકતમાં જમ્મુ કાશ્મીરના લોકોનું ભલુ ઇચ્છે છે તો બોર્ડર પર આતંકવાદને રોકે.

જમ્મુ કાશ્મીર પર બોલવાનો પાકિસ્તાનને કોઇ હક નથી

ઇમરાન ખાનના ગુરૂવારના ટ્વીટ અંગે પૂછવા પર રવીશ કુમારે કહ્યું કે, અમે ભારતને લઇને પાકિસ્તાન પ્રધાનમંત્રી ઇમરાન ખાનની ફાલતુ ટિપ્પણીઓને જોઇ છે. જ્યાં સુધી ભારતીય કેન્દ્રશાસિત રાજ્ય જમ્મુ અને કાશ્મીરનો સવાલ છે તો આ બહુ જ સ્પષ્ટ છે કે આનાથી જોડાયેલ કોઇપણ પાસા પર પાકિસ્તાનને બોલવાનો કોઈ અધિકાર નથી.

જમ્મુ કાશ્મીરનું ખરેખર ભલુ ઇચ્છે છે પાકિસ્તાન તો બંધ કરી દે આતંકવાદ

વિદેશ મંત્રાલયના પ્રવક્તાએ વધુમાં કહ્યું કે, ભારતના આંતરિક મામલાઓ વિશે વારંવાર દખલ આપવાના પ્રયત્નથી તેમનો દાવ સ્વીકાર્ય નહી થાય. આતંકવાદ પર પાકિસ્તાનને સલાહ આપતા રવીશ કુમારે કહ્યું, જો પાકિસ્તાન હકીકત જમ્મુ કાશ્મીરે લોકોના કલ્યાણમાં યોગદાન આપવા માંગે છે તે તેઓ બોર્ડર પાર આતંકવાદને ખતમ કરવા અને હિંસા અને દુષ્પ્રચારના અભિયાનને બંધ કરે.

શું કહ્યું હતું ઇમરાન ખાને?

પાકિસ્તાની પ્રધાનમંત્રી ઇમરાન ખાને ગુરૂવારે એક પછી એક ટ્વિટ કરતા ભારત વિરૂદ્ધ ઝેર ઓક્યું હતું. પાકિસ્તાની પ્રધાનમંત્રીએ ભારત સરકાર દ્વારા ચાલી રહેલ જમ્મુ કાશ્મીર રી-ઓર્ગેનાઇઝેશન ઓર્ડર 2020ની ટીકા કરતા આ વિસ્તારની ડિમૉગ્રફી એટલે જનસંખ્યાને બદલવાનો પ્રયત્ન કહી દીધી હતી.