સાચવજો / 90 ટકા ભારત છે ડેન્જર ઝોનમાં: લૂના કારણે સતત વધી રહ્યો છે ખતરો, 50 વર્ષમાં 17 હજાર લોકોએ ગુમાવ્યા જીવ

• આબોહવા પરિવર્તનના કારણે ભારતમાં લૂ વધુને વધુ ખતરનાક
• દેશનો 90 ટકાથી વધુ અને સમગ્ર દિલ્હી હીટવેવની અસરના 'ડેન્જર ઝોન'માં
• 50 વર્ષમાં 17 હજાર લોકોએ હીટવેવથી ગુમાવ્યા જીવ 

આબોહવા પરિવર્તનના કારણે ભારતમાં લૂ વધુને વધુ ખતરનાક બની રહી છે. દેશનો 90 ટકાથી વધુ અને સમગ્ર દિલ્હી હીટવેવની અસરના 'ડેન્જર ઝોન'માં છે. એક નવા અભ્યાસમાં આ બાબત સામે આવી છે. તમને જણાવી દઈએ કે, આ અભ્યાસ રામિત દેબનાથ અને તેમના સાથીઓએ કેમ્બ્રિજ યુનિવર્સિટીમાં કર્યો છે. અભ્યાસમાં જણાવાયું છે કે 'હીટવેવ'એ સંયુક્ત રાષ્ટ્રના સસ્ટેનેબલ ડેવલપમેન્ટ ગોલ્સ (SDGs)ને હાંસલ કરવાની દિશામાં ભારતની પ્રગતિમાં અગાઉના વિચાર કરતાં વધુ અવરોધો ઉભા કર્યા છે.

હીટ વેવની 700 થી વધુ ઘટનાઓ
પૃથ્વી વિજ્ઞાન મંત્રાલયના ભૂતપૂર્વ સચિવ એમ રાજીવન દ્વારા વૈજ્ઞાનિકો કમલજીત રે, એસએસ રે, આરકે ગિરી અને એપી ડિમરી સાથે લખાયેલ એક પેપર સૂચવે છે કે, ભારતમાં 50 વર્ષમાં હીટવેવથી 17,000થી વધુ લોકોના મોત થયા છે. આ પેપર વર્ષ 2021માં પ્રકાશિત થયું હતું. જણાવવામાં આવ્યું કે 1971-2019 સુધીમાં દેશમાં હીટ વેવની 706 ઘટનાઓ બની છે.

13 લોકોના મોત થયા 
નવી મુંબઈમાં મહારાષ્ટ્ર સરકારના એવોર્ડ સમારોહમાં રવિવારે ગરમીના કારણે 13 લોકોના મોત થયા હતા. લુની આ ઘટના અત્યાર સુધીની સૌથી મોટી દર્દનાક ઘટનાઓમાંની એક છે. આ તરફ હવે ભારતના હવામાન વિભાગે તાજેતરમાં કહ્યું છે કે, ઉત્તર-પશ્ચિમ અને દ્વીપકલ્પના પ્રદેશો સિવાય દેશના મોટાભાગના ભાગોમાં એપ્રિલથી જૂન સુધી સામાન્ય તાપમાન વધુ રહેશે.  

આ વર્ષની સૌથી ગરમ ફેબ્રુઆરી
વર્ષ 2023 એ 1901 પછી સૌથી ગરમ ફેબ્રુઆરીનો અનુભવ કર્યો. જોકે માર્ચમાં સામાન્ય કરતાં વધુ વરસાદ જોવા મળ્યો હતો, જેણે તાપમાન સામાન્ય રાખ્યું હતું. વર્ષ 2022 એ અત્યાર સુધીનો સૌથી ગરમ માર્ચ હતો અને 121 વર્ષમાં ત્રીજો સૌથી સૂકો હતો. એક રિપોર્ટ અનુસાર, દેશમાં લગભગ 75 ટકા કર્મચારીઓ એટલે કે લગભગ 38 કરોડ લોકો ગરમીના કારણે તણાવમાં છે.