ઉતાવળ રાખજો / હાલ સોનું ખરીદવા માટે છે સોનેરી તક, ચેક કરો લેટસ્ટ રેટ

• ભારતીય બજારમાં સોના ચાંદીની કિંમતોમાં પણ થોડો બદલવા નજરમાં આવ્યો
• સોનાની કિંમત ઘટી તો ચાંદીની વધી 

આજે ગ્લોબલ માર્કેટમાં આવેલ ગિરાવટને કારણે સોના ચાંદીની કિંમતમાં થોડી નરમી જોવા મળી રહી છે. ગ્લોબલ માર્કેટમાં ભારે ઉતાર ચઢાવ પછી ભારતીય બજારમાં સોના ચાંદીની કિંમતોમાં પણ થોડો બદલવા નજરમાં આવી રહ્યો છે. આજે સોનાની કિંમત 52 હજારથી નીચે જોવા મળી ત્યાં સામે વધતી ચાંદીની કિંમત આજે 57 હજારને વટાવી ગઈ હતી. એક સમયે ચાંદીની કિંમત 61 હજારને વટાવી ગઈ હતી પણ તેની કિંમતોમાં ભારે ઘટાડો જોવા મળ્યો હતો હવે ફરી થોડો વધારો જોવા મળી રહ્યો છે. 

સોનાની કિંમત 
મલ્ટીકોમોડિટી એક્સચેન્જ (MCX) પર સવારે 24-કેરેટ શુદ્ધતાવાળા સોનાની કિંમત 30 રૂપિયા ઘટીને 51,844 પ્રતિ 10 ગ્રામ થયા હતા. અગાઉ સોનામાં 51,793 રૂપિયાના સ્તરે ખુલીને વેપાર શરૂ થયો હતો. સોનાની માંગમાં વધારો થવાને કારણે ટૂંક સમયમાં જ તેની કિંમતોમાં ઉછાળો જોવા મળ્યો. સોનું હાલમાં તેના અગાઉના બંધ ભાવ કરતાં 0.06 ટકાના ઘટાડા સાથે ટ્રેડ થઈ રહ્યું છે.

ચાંદીની કિંમત 
સોનાથી ઊંધું આજે સવારે ચાંદી ભાવમાં ચમક જોવા મળી હતી. મલ્ટીકોમોડિટી એક્સચેન્જ (MCX) પર ચાંદીની કિંમત 50 રૂપિયાથી વધીને 57,414 પ્રતિ કિલોગ્રામ થઇ હતી. ચાંદી 57,398 રૂપિયાના સ્તરે ખુલીને વેપાર શરૂ થયો હતો, જે માંગમાં વધારાને કારણે કિંમત 57,400 પર પંહોચી હતી. ચાંદી હાલમાં તેના પાછલા બંધ ભાવથી 0.09 ટકાના વધારા સાથે ટ્રેડ થઈ રહી છે.

ગ્લોબલ માર્કેટ
ગ્લોબલ માર્કેટમાં આજે ચાંદીની કિંમતમાં ઘટાડો જોવા મળ્યો હતો. યુએસ માર્કેટમાં સોનાની હાજર કિંમત $1,772.72 પ્રતિ ઔંસ પર પહોંચી હતી, જે અગાઉના બંધ ભાવ કરતાં 0.14 ટકા ઓછી છે. સોનાની કિંમત ઘટાડા સાથે ચાંદીની હાજર કિંમત પણ $19.88 પ્રતિ ઔંસ પર પહોંચી ગઈ હતી, જે અગાઉના બંધ ભાવ કરતાં 0.20  ટકા ઓછી છે.

કમોડીટી એક્સપર્ટનું કહેવું છે કે જે રીતે ગ્લોબલ શેર બજાર તૂટી રહ્યું છે એ જોઇને લાગી રહ્યું છે કે આવનાર સમયમાં સોનામાં રોકાણકારોની સંખ્યામાં વધારો થશે. જો કે હાલ બજારમાં જો તમે રોકાણ કર્યું હોય અને તમારા પોર્ટફોલીયોમાં સોનામાં રોકાણ કરેલ છે તો તેને એમ જ રાખો, આવનાર સમયમાં ગ્લોબલ માર્કેટ સાથે ભારતીય માર્કેટમાં પણ સોનાની માંગ વધશે અને કિંમતોમાં ભારે ઉછાળ આવશે.