એક્શન / હવે ચીનને લાગશે મોટો ઝટકો, 2500થી વધુ યૂટ્યૂબ ચેનલને લઈને Googleએ લીધો આ મોટો નિર્ણય

• હવે ચીનને લાગશે મોટો ઝટકો
• Googleએ લીધો આ મોટો નિર્ણય
• ચીનની 2500થી વધારે યૂટ્યૂબ ચેનલ્સને ડિલિટ કરી

ચીની યૂટ્યૂબ ચેનલ્સે ફેલાવી હતી ભ્રામક જાણકારી

ઉલ્લેખનીય છે કે આ ચીની યૂટ્યુબ ચેનલ્સની મદદથી ભ્રામક જાણકારી ફેલાવવામાં આવી રહી હતી. તેની જાણકારી મળતાં વીડિયો શેરિંગ પ્લેફોર્મે આ ચીની યૂટ્યૂબ ચેનલ્સને હટાવી દીધી છે. ગૂગલે કહ્યું કે આ યૂટ્યૂબ ચેનલ્સને એપ્રિલ અને જૂનની વચ્ચે જ હટાવી દેવામાં આવી હતી. ગૂગલનું કહેવું છે કે ચીન સાથે જોડાયેલા ઈન્ફ્લુએન્સ ઓપરેશનને માટે ચાલી રહેલી તપાસના આધારે આ પગલું લેવામાં આવ્યું છે. 

આ કારણે ડિલિટ કરી તમામ 2500 ચેનલ્સ

ગૂગલે પોતાની ભ્રામક જાણકારી વાળા ઓપરેશનના ત્રિમાસિક બુલેટિનમાં સૂચના આપી છે અને તેમાં કહ્યું છે કે યૂટ્યુબના આધારે આ ચેનલ્સ પર ખાસ કરીને સ્પૈમી, નોન પોલિટિકલ કન્ટેન્ટ પોસ્ટ થતું હતું. પરંતુ તેમાં રાજનીતિ સાથે સંકળાયેલી વાતો પણ હતી. જો કે ગૂગલે આ ચેનલના નામનો કોઈ ખુલાસો કર્યો નથી, પણ કેટલીક સૂચનાઓ આપી છે. કંપનીએ કહ્યું છે કે હવે ટ્વિટર પર પણ આવી એક્ટીવીટી વાળા વીડિયોની લિંક જોવા મળી રહી છે. 

મીડિયા એનાલિટિક્સ કંપની ગ્રાફિકાએ કરી ઓળખ

એપ્રિલમાં ડિસઈન્ફોર્મેશન કેમ્પેનમાં સોશ્યલ મીડિયા એનાલિટિક્સ કંપની ગ્રાફિકાએ તેની ઓળખ કરી હતી. અમેરિકામાં ચીની દૂતાવાસે આ વિશે કોઈ માહિતિ આપી નથી. આ પહેલાં ચીન ભ્રામક અને ખોટી જાણકારી ફેલાવવા સાથે જોડાયેલા દરેક આરોપને નકારી ચૂક્યું છે.